AUTHOR...........................JOMBA WAJO
SPONSORED BY......SIMULIZI ZA DULLY
WHATSAPP...........................0628924768
SEHEMU YA................................435-436
Sura ya: 435
Chini ya mapishi ya Alvin, walipata kifungua kinywa rahisi. Hata hivyo, kwa kuwa alikuwa na njaa sana, alihisi kuwa upishi wa Alvin kama takataka haungeweza kujaza matumbo yao.
Baada ya kula, Hans alipiga simu kuuliza kuhusu mambo fulani ya kampuni ambapo Alvin alisema, “Niletee baadhi ya nguo zangu hapa nyumbani kwa Lisa. Nitalala hapa siku kadhaa."
Hans akajibu, “Ahem. sawa.”
Lisa, hata hivyo, alimpokonya simu. "Hapana usilete. Hakuna haja." Kisha akakata simu.
“Lisa Jones…” Alvin aliuma meno.
“Sitaki kuishi pamoja na wewe kwa sasa. ” Lisa aliinuka. “Ikiwa kuna haja ya kulala usiku kucha, nitakuja kwako. Kumbuka kuajiri watumishi. Sitaki kuwa mtumishi wako wa nyumbani.”
Uso wa Alvin ukaingia simanzi, na Lisa akatabasamu. “Nimesema kitu kibaya? Nafasi yangu ni ndogo, na hakuna nafasi kwa mjakazi kuishi. Ukihamia hapa, nitalazimika kushughulikia kazi zote peke yangu. Samahani, lakini hadhi yangu ni ya juu na muda wangu ni wa thamani zaidi kwa sasa, kwa hivyo sitafanya chochote kitakachodhuru vidole vyangu maridadi. Hata hivyo, ni lazima nifurahie kama Sarah alivyokuwa akitendewa vizuri.”
Sura ya Alvin ilikuwa ya kusikitisha, na alipotaka kufungua mdomo wake, Lisa aliminya vidole vyake vyembamba kwenye midomo yake. “Usiongee nami kuhusu kujitolea kwa ajili ya upendo. Ninaweza kukupenda, lakini nataka kujipenda zaidi.”
“Sawa. Tutafanya chochote utakachosema.” Alvin hakujua acheke au alie. Hakuwa amekusudia kumtendea ubaya. “Nitaajiri mpishi na mjakazi. Nitamwita Aunty Yasmine, kwanini usije kwangu ukae?”
"Hapana. Kunapaswa kuwa na umbali wa mara kwa mara kati ya watu wawili. Tutachokana haraka ikiwa tutakuwa pamoja kila wakati." Lisa akatingisha kichwa kwa uthabiti.
“Babe, mimi sitakuchoka,” Alvin alimbembeleza kwa upole.
Lisa alimtazama kwa ajabu. "Sawa, lakini mimi nitakuchoka ikiwa tutagandana muda wote kama kupe."
Alvin alishindwa cha kusema. Alisema nini? Angemchoka? Je, hisia zake hazikupaswa kuimarika zaidi alivyokuwa naye?
Alvin akashusha pumzi ndefu. Baada ya kupata pigo, uso wake mzuri sasa ulionekana kutopendeza sana, na akauma meno yake. "Lisa Jones, nitakupa nafasi moja ya kurekebisha kauli yako."
“Sijasema chochote kibaya… Ah…” Kabla Lisa hajamalizia sentensi yake, aligeuzwa na Alvin na kumpiga kofi mara mbili matakoni.
Ingawa halikuwa kofi nzito, bado lilimtia hasira. "Alvin Kimaro, unathubutuje kunipiga?"
Alvin alishtushwa na hasira machoni pake. "Nimekupiga kwa mahaba tu ..."
“Sijali. Mahaba gani hayo ya kuchapana makofi? Ipo siku utanitoa meno kisha useme ni mahaba tu. Nililala na wewe asubuhi tu, na mchana unaanza kunipiga, nakuchukia. Nenda zako.” Macho ya Lisa yalikuwa mekundu. Hapo awali alikuwa akijifanya tu, lakini baada ya kufikiria juu yake, alihisi huzuni pia.
Alvin mwenye kiburi naye alikasirika kidogo kwa kufukuzwa namna hiyo, lakini alipoona macho yake mekundu, mara akaingiwa na hofu na kumnyanyua kwa makini. “Babe, nilikosea. Usiwe na hasira. Unaweza kunipiga na wewe, sawa?"
"Sitaki kupiga matako yako." Lisa alitazama pembeni. Macho yake mazuri yalijawa na machozi, na mashavu yake yalituna kwa hasira za kujishaua, na kumfanya aonekane mzuri iwezekanavyo.
Moyo wa Alvin ukayeyuka. Akamshika mkono na kuupigisha usoni mwake. “Hii ni sawa?”
"Hapana, ni jepesi sana." Lisa alishusha macho chini na kukoroma.
"Hili je?" Alvin akamshika mkono tena na kujipiga makofi mazito.
Ikiwa wengine wangeona tukio hilo, macho yao yangeanguka. Hakuna mtu ambaye angetarajia kwamba Alvin mwenye nguvu na mamlaka angejishusha kwa mwanamke kama huyo. Hata Sarah angeshtuka akiona hivyo.
"Hapo sawa." Lisa aliitazama alama nyekundu usoni mwake na kutabasamu.
Alvin alipoona tabasamu usoni mwake, moyo wake ukaanguka chini.
Hakuwahi kufikiria kwamba hata siku moja angeweza kumbembeleza mwanamke namna hiyo. Hakuwa hivyo hata alipokuwa akikabiliana na Sara siku za nyuma.
Kwa kweli, wakati fulani alikuwa akimbembeleza Sarah pia, lakini akimlinganisha na Lisa, alihisi kwamba alikuwa akimfurahisha Sarah tu. Ilionekana moyo wake haukuwa pamoja naye.
Akiwaza hayo, hakuonekana kuwa na wakati ambapo moyo wake ungeruka mapigo alipokuwa na Sarah. Hakukuwa na hasira nyingi, lakini hakukuwa na upendo wa kupendeza pia. Hiyo ilitokana na sauti kichwani mwake ambayo ilimtawala na kumwambia kuwa alimpenda Sara, kwa hiyo ilimbidi awe mwema kwake.
Lakini ... huo ulikuwa upendo? Je, alimpenda Sara kweli? Mapenzi ya kweli yanapaswa kuwa hivi, ambapo kulikuwa na vicheko na utamu. Hata alipokuwa na hasira, alikuwa mrembo.
Ghafla, kulikuwa na maumivu makali katika kichwa chake. Akavuta pumzi ya baridi na kumuachia, akajikwaa hatua mbili nyuma na kushika kichwa chake.
“Alvin...” Lisa alishtuka na kumshika haraka. "Nini tatizo?"
"Kichwa changu kinauma ghafla." Alvin alishika kichwa chake.
Kuchanganyikiwa kuliangaza machoni mwa Lisa. “Ulikuwa unafikiria nini?”
“Nilikuwa nikifikiria… ” Koo la Alvin lilikwama ghafla alipogundua kuwa ubongo wake ulikuwa umechanganyikiwa kidogo. "Nilifikiri kwamba nilihisi kuwa na raha sana kushirikiana nawe hivi sasa, na ulionekana mrembo sana ulipokuwa na hasira."
“Ni hayo tu?" Lisa hakuamini. Mara ya mwisho, pia alikuwa na maumivu ya kichwa wakati alikumbuka kitu huko mgahawani walipokuwa wakila na Suzie. "Ulikuwa na maumivu ya kichwa hapo awali?"
“Nimekuwa na maumivu machache ya kichwa tangu Sarah aliponisaidia kunitibu.” Alvin aliganda. “Inaonekana kila ninapoumwa na kichwa, nakuwa niko na wewe. Ninapaswa kushauriana na daktari wa ubongo…”
“Unaogopa kuwa una uvimbe kwenye ubongo wako?” Lisa alitania.
“Usiongee upuuzi. Hilo haliwezekani. Bado nataka kuwa na wewe.” Alvin alibana uso wake mdogo. "Lisa, wakati mwingine, nahisi kama maisha ni ya ajabu, lakini siwezi kusema nini cha ajabu juu yake ... Kweli, nilikuwa nikifikiria tu kwamba ninapokuwa na Sarah, nakuwa sijaridhika naye kama ninapokuwa na wewe hivi.”
“Acha.” Lisa aliziba mdomo ghafla.
Sarah alimlaza akili, na Lisa alimwona daktari mzuri saikolojia kuhusu hilo hapo awali. Kwa aina hii ya hypnosis, hali mbaya zaidi ilikuwa kwamba siku moja, mgonjwa angevunja hypnosis mwenyewe na nafasi ya kupona ilikuwa ndogo. Kinachowezekana zaidi ni kwamba ukweli na kumbukumbu iliyopandikizwa ingegongana, na mgonjwa angepoteza akili yake.
"Nini tatizo?" Alvin alishangaa.
“Hakuna kitu. Sitaki tu kusikia kuhusu Sarah na wewe.” Lisa aligeuza uso wake kwa makusudi.
“Samahani.” Alvin aligeuza mwili wake na kumbusu kwa jazba na mapenzi. “Babe, nina uhakika wa ajabu sasa. Nakupenda."
Lisa aliduwazwa kidogo na busu lake na kuning'iniza mikono yake shingoni mwake. Hapo awali alipanga kwenda ofisini lakini hakufanikiwa mwishowe.
Sura ya: 436
Siku iliyofuata, walipokuwa wakitoka kwenda kazini, Lisa alimsimamisha Alvin ghafla kando ya duka la madawa.
"Unataka kufanya nini?"
"Kununua kitu."
Lisa alifungua mkanda wake na kushuka kwenye gari na kwenda kwenye duka la dawa. Aliomba vidonge vya uzazi wa mpango, akanywa na glasi ya maji kabla ya kutoka.
“Ulinunua nini?” Alvin alimtazama ghafla, uso wake mzuri ulikuwa na giza kidogo. Lisa alipepesa macho na kutoa boksi la vidonge kwenye mkoba wake.
Mikono ya Alvin ikakaza kwenye usukani, hata mishipa ilikuwa imemtoka. Uso wake haukuwa mzuri pia. “Usimeze tena wakati mwingine. Ninapanga kutumia maisha yangu yote na wewe. Tunahitaji watoto pia…”
"Mara ya mwisho tulipokuwa pamoja, ulinirushia boksi la dawa za kupanga uzazi." Lisa alimkatisha. "Sasa nina hofu kidogo."
"Ilikuwa kwa sababu mimi ..."
“Pia, hali mbaya niliyokuwa nayo nilipokuwa mjamzito ilinitia kiwewe. Siko tayari kupata maumivu na woga wa aina hiyo tena, kwa sasa, kwa hivyo tafadhali jiweke kwenye viatu vyangu na ufikirie juu yake.” Lisa alisema bila huruma.
“Samahani.” Alvin alikasirika.
Akifikiria juu yake, alichukia utu wake wa zamani sana. Kwanini alikuwa mkatili sana? Hata kama hakumpenda wakati huo, bado alikuwa na mimba ya watoto wake. Kwanini hakumjali zaidi? Kadiri alivyokuwa akifikiria juu yake, ndivyo alivyozidi kuhisi kuwa maisha yake ya nyuma yalikuwa ya kushangaza sana.
“Usinywe dawa za kupanga uzazi tena. Sio nzuri kwa afya yako." Akashusha pumzi. "Nitanunua kondomu."
“Sawa.” Lisa aliitikia kwa kichwa na hakukataa.
Alvin alimshusha Lisa Mawenzi Investiments na yeye akaelekea ofisini kwake. Muda si mrefu baada ya kupanda ghorofani, alipokea chokoleti iliyotengenezwa maalum kwa ajili yake. Ndani kulikuwa na kadi ya waridi: [Samahani, babe. Nitakutendea mema maisha yangu yote. Upendo, Alvin.]
Kisha, WhatsApp yake iliita. Alvin alituma ujumbe baada ya ujumbe.
[Lisa, I miss you.]
[Lisa, chokoleti ni nzuri?]
[Babe, nini kingine unataka kula?]
Lisa alikosa la kusema. Alitazama meseji zake za whatsapp na midomo yake ikalegea. Mtu huyu alikuwa kama mtu tofauti na Alvin wa zamani. Hakuwahi kumuona kama hivyo hapo awali.
Aliinamisha kichwa chake na kujibu, [Hakuna haja. Nina mipango yangu usiku wa leo.]
Alvin: [Unatoka na Pamela tena?]
Lisa: [Hapana, nina mambo mengine tu.]
Alvin: [Nikusindikize?]
Lisa: [Hapana.]
Alvin: [Nitakupangia ulinzi.]
Lisa: [Sitaki.]
Alvin alituma emoji yenye uso uliojawa na huzuni.
Lisa. [Kuwa mwema. Nina shughuli nyingi. Usifanye fujo.]
Alvin. [Sawa, sitafanya fujo. Nitamsikiliza mke wangu.]
Lisa, ambaye alikuwa akila chokoleti, karibu apaliwe. Ni nini eti? Je, huyu jamaa alikuwa na kizunguzungu?
Hata hivyo, alitabasamu kipumbavu huku akitazama meseji hizo.
•••
Usiku, kwenye baa.
Lisa aliketi kwenye stuli ndefu ya baa karibu na Logan, ambaye alikuwa ndiyo kwanza ameshuka kutoka safarini.
"Lazima ilikuwa safari ngumu kwenda Somalia. Uchunguzi ulikuwaje?” Lisa alifungua chupa ya bia na kuisukuma kwa Logan.
"Nimewafuatilia kwa siri Sarah na Thomas na kugundua jambo zito, naomba uweke siri hii kwa usalama wako.” Logan alikunywa bia na kusema kwa sauti ya chini. “Nilitumia muda huko na hatimaye nikapata upepo wa kitu. Kweli Thomas amekodi kundi la wasomali na kuwaleta nchini. Thomas alienda huko yeye binafsi na kutumia pesa nyingi kuwaajiri.”
“Kuna picha?”
“Hapana.”
Chini ya macho yake ambayo yalionekana kusema 'huna maana sana', Logan alichukizwa na kueleza, "Haikuwa rahisi kupata picha. Ingawa hapo ndio mahali penye machafuko zaidi ulimwenguni, bado wamejipanga. Nani atathubutu kuwaajiri ikiwa habari itafichuliwa kiholela?”
"Thomas, ana mpango gani kwa kuwaajiri watu hao hatari.”
Lisa alitafakari. "Kwa hiyo Sarah bado ana wasaidizi?"
"Hakika ana watu wanaomuunga mkono," Logan alisema kwa uhakika.
"Lakini bado hajaonyesha kadi zake."
“Tusubiri. Lazima uvumilivu utakuwa umemshinda sasa, hatutangoja kwa muda mrefu na tutaona papara zake. ” Lisa alikunywa bia na ghafla alionyesha uchovu kutoka kwenye uso wake.
"Nini tatizo? Mbona unaonekana kuchoka sana?" Logan aliinua uso wake. "Uko na Alvin tena, sivyo? Unajisikiaje kurudiana na mume wako wa zamani? Baada ya kukuacha anakuchukulia kama hazina sasa?"
Lisa alimkazia macho, na Logan akacheka. “Nina hamu ya kujua tu. Baada ya yote, alikuwa mtu unayempenda. Hutaishia kuwa na moyo laini, sivyo?
Lisa alitazama chini. Uso wake mzuri haukuweza kuonekana kwenye mwanga hafifu.
"Ni nini, wewe kweli ... umekuwa na moyo laini?" Logan alikosa la kusema kwa ukimya wake wa ajabu. “Huyo ndiye mtu aliyekuumiza sana hapo awali. Huko nyuma, kama usingeigiza kifo chako, ungekufa. Watoto wako pia wasingekuewepo.”
“Najua.” Lisa alikunja uso kwa kero kubwa. Ikiwa asingegundua kutoka kwa Maya kwamba hakuna kilichotokea kati ya Sarah na Alvin, angeweza kuwa na wasiwasi. “Nina… nina hasira kidogo. Kwa kweli, najua hakukusudia kuniumiza wakati huo. Alilazwa tu akili na Sarah, lakini mambo yake ya siku za nyuma ni kama jeraha wazi kwangu. Wakati fulani, nafikiri kwamba nilipize kisasi kwa Sarah na nisiwe karibu sana na mwanamume huyu. Ana sumu…”
Ni wazi aliumizwa naye na akafikiri kuwa hampendi tena. Hata hivyo, siku mbili walizokuwa pamoja zilimfanya ajisikie kuwa alirejea wakati ambao wawili hao walikuwa wanapendana.
"Nifanye nini?" Aliuliza bila kuficha. Je, aendelee au aache?
“Nikushauri nini? Sijawahi kuwa katika mapenzi kabla. Lakini unaweza kuolewa naye tena na na kupata naye watoto kana kwamba hakuna kitu kilichowahi kutokea?” Logan alisema, “Kusema ukweli, nadhani ikiwa angeweza kulazwa na Sarah hapo awali, ilimaanisha kwamba alimwamini kabisa Sarah. Zamani, alikuheshimu kiasi gani mlipokuwa kwenye ndoa? Hakufikiri kwamba alipaswa kujiweka mbali na mpenzi wake wa zamani kwa vile alikuwa na mke?”
Lisa alipigwa na butwaa. Ndiyo, Alvin alistahili kulipizwa kisasi. Ujinga wake ulimdhuru yeye na watoto wake.
“Sahau, tuondoke. Usiku umeenda sana.” Logan alipiga miayo. Alikuwa na uchovu wa safari na alikuwa hajapumzika vizuri. “Usiwaze sana. Ikiwa bado kuna watu nyuma ya Sarah, basi bado kazi haijaisha. Isitoshe, usisahau, Sarah ndio ameachana na Alvin. Je, haya ndiyo matokeo pekee unayotaka, au unataka kulipiza kisasi zaidi?”
Macho ya Lisa yalipoa taratibu. Sarah aliua watu wengi sana na kuharibu familia ya Charity. Bila shaka angefanya maisha ya Sara kuwa mabaya zaidi kuliko kifo. Ikiwa Alvin angethubutu kumzuia, basi angemshughulikia pia......ITAENDELEA....
Unafikiri nini kitafuata hapo, maana simulizi inazidi kuwa tamu kila siku lakini sina budi kuhitimisha kipande hiki ila niwasihi tukutane katika episode zijazo ili kujua nini kitafuata kwenye mkasa huu wa kusisimua na kuelimisha unaokwenda kwa jina la LISA.
