AUTHOR...........................JOMBA WAJO
SPONSORED BY......SIMULIZI ZA DULLY
WHATSAPP...........................0628924768
SEHEMU YA................................419-420
Sura ya: 419
Lisa alizingatia sana kuendesha gari na kumwacha Alvin afanye chochote. Alipokuwa akiendesha gari, Alvin alisema, "Hii sio njia ya Mawenzi Investiments."
“Mm, naenda Ngosha Corporation. Sumu katika mwili wa baba yangu bado haijatoka, kwa hiyo naenda kwa kampuni yake kuangalia mambo yanavyoenda kidogo.”
Kikubwa ni kwa sababu Joel alimwambia jana usiku kuwa Mzee Ngosha amekubali kumruhusu Melanie kurudi kwenye kampuni. Kwa hivyo, ilibidi aende kujionea yeye mwenyewe binafsi mipango iliyokuwa inafanywa na Melanie. Vinginevyo, kampuni ya Ngosha ingekuwa kwenye vurugu kabisa kwa sababu ya Melanie na baba yake tena.
'Ikiwa utaenda kwenye kampuni hiyo, inamaanisha kuwa utaingilia masuala ya Ngosha Corporation. Utaweza kusimamia kila kitu?" Alvin alikunja uso aliposikia maneno yake. "Bado utakuwa na muda wa kuwa na uhusiano na mimi kweli?"
"Ni lini nilikubali kuwa na uhusiano na wewe?" Lisa alilalamika.
"Haijalishi unakubali au la kwa sababu hata hivyo nimekubali." Alvin alitabasamu.
Baada ya kumtazama kwa ukimya, Lisa hakuweza kupinga kusema, “Unaweza kurudi na kulala kidogo? Usije ukaniangukia tena na kuzimia.”
“Una wasiwasi na mimi?” Macho ya Alvin yakaangaza.
"Hapana, macho yako yamevimba sana. Inakufanya uonekane kama una uso wa panzi, na inaathiri sura yako. Lisa alimpa maneno yasiyo na huruma.
Alvin ghafla alishindwa cha kusema. Alikuwa na hamu ya kuitoa simu yake ili kujingalia usoni, lakini kiburi na heshima yake haikuruhusu hilo. Badala yake, aliweka tu uso wa kauzu.
Gari iliingia kwenye maegesho ya Ngosha Corporation. Lisa alipoegesha gari na kukaribia kushuka, Alvin alimshika na kusema kwa sauti ya ukali, “Lisa, unaweza. unaniongeza kwenye mawasiliano yako ya WhatsApp? Niondoe kwenye blacklist pia. Usipofanya hivyo, nitakufuata kila uendako.”
Lisa akahema. Kisha, akamuongeza kwenye contacts zake za WhatsApp mbele yake na akaondoa namba yake blacklist. "Naweza kwenda sasa?"
“Sawa.” Alvin alishuka naye kwenye gari huku akiuliza. "Lisa, nilisikia Ngosha Corporation na Campos Corporation wanapanga kuanzisha ubia."
"Kulikuwa na habari hiyo hapo awali, lakini kwa kuwa niko hapa, sitakubali."
Alvin akaitikia kwa kichwa. "Campos Corporation sio watu wazuri. Katika miaka kumi ya ushirikiano waliokuwa nao na KIM International, kimsingi waliinyonya bila huruma. Kuwa mwangalifu."
Lisa alishtuka, lakini aliitikia kwa kichwa. Baada ya kuingia kwenye lifti, aligundua kuwa Alvin bado alikuwa akisubiri nje. Aliinamisha kichwa chini na kutabasamu. Hakutarajia kuwa siku kama hiyo ingemjia.
Lifti ilipanda na kumuongoza moja kwa moja hadi kwenye ghorofa aliyofanyia kazi Joel. Msaidizi mpya wa Joel, Bwana Goleman, alikuwa akimngojea huko kwa muda. Lisa alipotokea, aliwaongoza wafanyakazi wa wa ofisi ya Joel mara moja na kusema, “Bi Mkubwa, Mzee Ngosha amemleta Melanie kwenye kampuni leo, na kwa sasa wanafanya mkutano.”
"Kwanini baba yangu hajui hili?" Lisa aliinua macho yake kwa mashaka.
Ulikuwa uamuzi wa dakika za mwisho kutoka kwa Mzee Ngosha. Wasimamizi wakuu wa kila idara na wanahisa wachache muhimu walikuwako kwenye mkutano huo. Watu wa Campos Corporation walikuwako hapo pia.
“Ongoza njia. Mimi pia nitaingia kwenye mkutano.” Lisa alikuwa na hisia mbaya. Aligeuka na mara akaingia kwenye lifti tena.
•••
Kwenye chumba cha mikutano kwenye ghorofa ya 3, Jerome Campos alipomaliza hotuba yake ndefu, alisema, "Kila mtu, sote tunataka kupata pesa. Ikiwa tunataka kupata pesa zaidi, basi lazima tuingie katika sekta ya fedha. Sasa ni fursa nzuri zaidi ya kufanya hivyo. Ngosha Corporation imekuwa ikiendelea vyema katika miaka ya hivi karibuni, lakini bado iko nyuma ikilinganishwa na familia ya Kimaro na familia ya Shangwe. Babu, unaonaje?"
Akiwa hajasimamia masuala ya kampuni kwa miaka mingi, Mzee Ngosha aliburutwa kwenye mkutano huo kwa lazima tu na Melanie.
Hata hivyo, hotuba ya Jerome ilikuwa imemgusa. Alikasirishwa zaidi na ukweli kwamba familia ya Ngosha haikuwa mojawapo ya familia tatu tajiri zaidi nchini Kenya.
“Mzee Ngosha, sema kitu. Tunaamini katika maoni yako. ” Bwana Parker, mmoja wa wanahisa, alimbembeleza. "Sasa kwa kuwa Mkurugenzi Ngosha amelishwa sumu na si mzima kiafya kama zamani, Kampuni ya Ngosha linaweza kukutegemea wewe tu."
“Ndiyo hivyo Mzee Ngosha. Rudi kwenye kampuni.” Wanahisa wachache walimshauri. "Campos Corporation imekuwa ikiendelea kwa kasi kwa miaka mingi, na wamepanda hadi kuwa kampuni ya pili kwa ukubwa nchini Kenya. Nadhani hatupaswi kukosa nafasi hii ya kushirikiana nao.”
“Ndiyo. Bila kujali chuki za kibinafsi, kama si biashara ya mtandaoni ambayo tumeanzisha hapo awali na Campos Corporation, Ngosha Corporation isingekua haraka sana kwa miaka michache iliyopita. Mzee Ngosha, unapaswa kuongoza kampuni ya Ngosha kwenye utukufu wake tena."
Mzee Ngosha alichomwa moto mara moja na maoni hayo. Ingawa alikuwa amestaafu kwa miaka mingi, bado alikuwa na tamaa kama hapo awali. Sababu ya yeye kustaafu ni kutokana na matatizo yake ya kiafya. Hata hivyo, afya yake ilikuwa imeimarika kutokana na kupata nafuu kwa miaka hii yote, hivyo akaanza kuwa na tamaa tena ya kurudi kazini.
“Mzee Ngosha, ngoja nikuambie ukweli.” Bwana Parker alikwenda upande wa Mzee Ngosha na kunong'ona, "Ingawa Mkurugenzi Ngosha alimteua Lisa kuwa mrithi wake, jina lake la mwisho bado ni Jones. Ngosha Corporation haiwezi kubadilisha jina lake kuwa Jones Corporation katika siku zijazo, sawa?”
Uso wa Mzee Ngosha ulibadilika. Ikiwa hakuna mtu ambaye angechomekea jambo hilo, asingetambua kamwe.
Melanie alitabasamu. Aligeuza kichwa chake na kusema, “Babu, nimemsikia Jerome akitaja kuhusu kuanzisha ubia mara nyingi, na kwa hakika inawezekana. Hivi sasa, kuna watu wengi ambao wanataka kuwa wanahisa pia. Kama si ndoa yetu kati ya familia hizi mbili, Jerome asingeipa kipaumbele Ngosha Corporation kwa mradi mzuri kama huo. Lakini ili kuwekeza makumi ya mabilioni ya pesa katika mradi huu, tutahitaji mtu shupavu kama wewe kufanya uamuzi.”
Mzee Ngosha alishusha pumzi ndefu kabla hajaipiga meza. “Sawa. Nimeamua, basi. ”
"Babu, umeamua nini?" Mlango wa ofisi ulisukumwa ghafla. Lisa aliingia kwa hatua ndefu huku akitabasamu. Alikuwa ndani ya blauzi nyeupe iliyomfanya aonekane hodari na mrembo kupita kawaida.
"Kuhusu kuanzisha ubia na Kampuni ya Campos. Nadhani ni jambo linalowezekana,” Mzee Ngosha alisema huku akitabasamu. "Lisa, kwanini uko hapa leo?"
“Baba alisema Melanie anarudi kwenye kampuni leo, kwa hiyo akaniambia nije niangalie. ” Lisa aliwatazama Melanie na Jerome kwa ufasaha. "Sikujua kuwa dada yangu alikuwa amepanga kitu kizuri cha kufanya siku yake ya kwanza kurudi."
"Ninafanya tu kwa ajili ya maendeleo ya kampuni," Melanie alisema kwa unyenyekevu. "Mbali na hilo, Kampuni ya Campos tayari imekuwa ikitayarisha hili kwa nusu mwaka. Haiwezi kucheleweshwa tena.”
Macho ya Lisa yalikodoa. Melanie alikuwa mtulivu siku za nyuma, lakini siku hiyo, hakuweza kudumisha utulivu wake. Hakika alibadilika sana tangu Nina aende jela.
"Kwa hiyo umekubali, babu?" Lisa alimtazama Mzee Ngosha.
“Nimemsikia Jerome akieleza kwa undani sasa hivi, na nimeridhika kabisa. Tutapata faida halisi ya zaidi ya shilingi bilioni 10 katika mwaka wa kwanza. Kwanini tusifanye hivyo?” Mzee Ngosha alijiamini sana.
Lisa alikunja uso. "Babu, wakati mwingine wakati mpango unasikika kuwa mzuri kupita kiasi, itakuwa rahisi ..."
Jerome aliingilia ghafla na kumkatisha. “Bi. Jones, sijawahi kukosa uhalisia. Huu sio ushirikiano wa kwanza kati ya Campos Corporation na Ngosha Corporation pia. Kila mtu yuko wazi juu ya mimi ni mtu wa aina gani, na mimi hutimiza ahadi zangu kila wakati. Baada ya yote, mafanikio ya familia ya Campos leo hayakuja bure. Naelewa una kinyongo na mke wangu, lakini, sio wakati wa kubishana juu ya chuki hizo ndogo linapokuja suala la mambo makubwa zaidi.”
Alichomaanisha ni kwamba ikiwa Lisa asingekubaliana na mpango huo, ingekuwa ni kwa sababu hakuweza kumvumilia Melanie.
Ndani kabisa, Lisa alihema. Ujanja wa Melanie ulikuwa wa kiwango cha juu. Alikuwa amemshawishi kwa siri Mzee Ngosha kuja kwenye kampuni na kumfanya chambo cha kupitisha uamuzi haramu ya familia ya Campos. Ikiwa Lisa asingeunga mkono uamuzi wake, angeonekana kuendekeza chuki binafsi.
Sura ya: 420
Hata hivyo, Lisa bado hakukubaliana na ushirikiano na Campos Corporation. “Babu, bado naona ni vyema kulichunguza jambo hili kwa kina. Kwa mfano, baada ya ubia kuanzishwa, nani atatoa timu ya wataalamu? Nani atakuwa mkurugenzi mkuu? Ngosha Corporation haifahamu vyema sekta ya fedha, kwa hivyo hatuna rasilimali zinazohitajika pia. Iwapo tutaingia katika sekta hiyo kwa haraka…”
"Unamaanisha nini? Unahoji uamuzi wangu?” Maneno ya Mzee Ngosha yalikuwa makali. “Lisa, nimekuwa katika ulimwengu wa biashara kwa makumi ya miaka. Nina uzoefu zaidi kuliko wewe. Hakuna haja ya wewe kuingilia tena maswala ya Ngosha Corporation."
“Babu, sio kwamba sikuamini. Nadhani ni bora tujadili hili baba yangu atakaporudi…”
Jerome alisema kwa kejeli, “Bi. Jones, unamaanisha kwamba Mzee Ngosha hana maono kama baba yako?”
Mzee Ngosha alikasirika aliposikia hivyo. "Nimesimamia Ngosha Corporation kwa makumi ya miaka. Hakuna anayejua ulimwengu wa biashara vizuri kuliko mimi. Jambo hili limeamuliwa. Lisa, kwa kuwa huijui Kampuni ya Ngosha vizuri, unapaswa kuja hapa kujifunza kidogo siku zijazo.” Alisimama baada ya kusema. "Sawa, hiyo inahitimisha mkutano wa leo."
"Babu, nitakupeleka nyumbani." Melanie alimfuata mara moja. Alipotoka, alimtazama Lisa kwa siri. Wafanyikazi na wasimamizi wakuu waliondoka polepole. Hakuna hata mmoja wao aliyemjali Lisa.
Jerome alienda kando yake huku akitabasamu na kusema, “Kwa hivyo itakuwaje kama wewe ni mrithi wa Ngosha Corporation? Hakuna anayekuchukulia kwa uzito. Ningekushauri urudi ulikotoka.”
“Jerome, siamini kama wewe ni mwaminifu katika kushirikiana na Ngosha Corporation. Baada ya yote, familia ya Campos ndiyo iliyochukua faida ya KIM International. Je, ninyi nyote hamkupata utajiri wenu kwa kuidhulumu familia ya Kimaro? Sasa kwa kuwa familia ya Campos ni familia ya pili tajiri zaidi nchini Kenya, nadhani lazima utake kuwa katika nafasi ya kwanza.” Lisa alimtazama Jerome kwa ujeuri. Kusema kweli, hakuwahi kumwelewa Jerome.
Katika ndoa ya Melanie na harusi yake miaka mitatu iliyopita, kila mara alimfikiria kama mtu mcheshi, asiye na adabu, na mtu mwenye majivuno. Lakini, katika miaka mitatu tu, familia ya Campos bila kutarajia ilikuwa familia ya pili tajiri zaidi nchini Kenya. Familia ya Campos haikuwa rahisi. Alikuwa na hisia kwamba kulikuwa na nguvu ya ajabu inayosaidia familia ya Campos nyuma ya pazia.
“Hujakosea. Nataka kuwa katika nafasi ya kwanza." Jerome akagusa kidevu chake. "Angalia, labda tunaweza kushirikiana pamoja?"
"Babu yangu si ameshakubali ushirikiano wenu wa kipuuzi tayari?" Lisa alikunja uso.
Jerome alicheka. "Nilimaanisha sisi wawili. Nilisikia habari fulani hivi majuzi. Si Alvin anajaribu kukurudisha? Umeridhika na ukweli kwamba alikuacha miaka mitatu iliyopita? Hutaki kumkanyaga fisadi aliyekusaliti hapo awali?”
Lisa alishangaa. Alvin na Sarah walikuwa wametoka tu kujitokeza kwenye habari siku chache zilizopita, hivyo familia zote tajiri nchini Kenya zilifikiri kwamba Alvin na Sarah walikuwa wamerudiana tena. Hata hivyo, Jerome tayari aligundua kwamba Alvin alikuwa akimtongoza.
“Unashangaa? Kwa kweli, familia ya Campos ina nguvu zaidi kuliko unavyofikiria. Jerome alipeleka mkono wake mbele ili amguse usoni huku akitabasamu.
Lisa alimsimamisha nusu. Alimtazama Jerome usoni kwa dharau. “Shemeji viwango vyangu viko juu sana. Huna sifa huna hadhi ya kugusa hata unywele wangu tu. Kwa kawaida, hata sielekezi macho yangu kwa mtu mwenye sura ya wastani kama wewe.”
Baada ya hapo, aligeuka, akipuuza usemi wa kutisha wa Jerome, na akaondoka bila kuangalia nyuma.
Jerome alitazama mwonekano wake mzuri na kuipangusa midomo yake kwa nguvu. Ha! Kwa hivyo ikiwa angemdharau? Hakika angemfundisha somo siku moja.
Baada ya kurudi ofisini, kichwa cha Lisa kilizunguka baada ya kupitia nyaraka za Ngosha Corporation kwa muda. Kwa hivyo, alianza kucheza michezo kwenye simu yake.
•••
Lisaalichukua mkoba wake na kuingia kwenye lifti private ya mkurugenzi mkuu wa kampuni. Lifti ilisimama kwenye orofa ya 25, ambapo Melanie alimtazama kwa unyonge na alikuwa karibu kuingia kwenye lifti. Hata hivyo, Lisa alibonyeza kitufe cha milango ya kufunga moja kwa moja, akimbana Melanie katikati ya milango.
"Lisa, unajaribu kuniua?" Melanie alipiga kelele. Alikuwa katika maumivu kutokana na kubanwa kati ya milango.
“Una jeuri sana. ” Lisa akabonyeza tena kitufe cha milango iliyofunguliwa na kumsukuma Melanie nje. “Hukuona kilichoandikwa nje? Inasema '
Lifti binafsi ya Mkurugenzi'. Una hadhi gani ya kutumia hii?"
Melanie alicheka. “Si unategemea tu utambulisho wa mrithi ambao Joel alikupa? Lakini sasa, mimi ni mtu muhimu ambaye ninasimamia maendeleo ya siku zijazo ya Ngosha Corporation. Huenda hujui hili, lakini Babu tayari ameidhinisha idara ya fedha kunigawia bilioni 12 ili kuendeleza ubia na Kampuni ya Campos. Hukutarajia hili, sivyo? Ulinifukuza mimi na baba yangu kwa makusudi hapo awali, kwa hiyo usingetarajia kwamba tutarudi kwa nguvu hivi karibuni.”
“Naona umekuwa ukijaribu sana kujipendekeza kwa babu na Bibi nyumbani hivi majuzi. Lakini Melanie, unapaswa kukumbuka kwamba jina lako la mwisho ni Ngosha. Usiwe mpumbavu kwa kuwa kibaraka kwa wengine. Inabidi uelewe hili. Mara tu utakapokosa thamani yoyote kwa familia ya Campos, unadhani huyo mhuni Jerome, bado atakutaka? Kama hapo awali. Hukulalamika hospitalini kwamba Jerome alikupiga ulipofukuzwa kazi?”
Lisa aliweka nywele zake nyuma ya sikio huku akidhihaki. “Zaidi ya hayo, Jerome hata alijaribu kunichezea kimapenzi, shemeji yake, kwenye chumba cha mikutano asubuhi ya leo. Ikiwa huniamini, unaweza kuangalia picha za usalama mwenyewe.”
Baada ya kusema hivyo, alitoa kidole chake kwenye kitufe cha milango iliyofunguliwa, na milango ya lifti ikafungwa. Uso mzuri wa Melanie ulikuwa umekunjamana kwa hasira. Hapo awali alitaka kuondoka kazini, lakini sasa, alikwenda moja kwa moja kwenye chumba cha usalama.
Baada ya kupata picha za asubuhi hiyo za chumba cha mkutano. Hapo ndipo alipomuona Jerome akinyoosha mkono wake kumgusa Lisa usoni. Harakati zake zilikuwa za kufurahisha. Alama kidogo ya hasira ilipita machoni pake. 'Jerome, wewe ni mwana haramu asiye na moyo,' Melanie aliwaza kwa uchungu.
Wakati huo huo, Lisa alifika kwenye maegesho. Kabla hajafika kwenye gari lake, aliweza kumuona Alvin akiwa ameegemea mbele ya gari lake. Alivaa suruali ndefu nyeupe na shati yenye mistari ya bluu na nyeupe. Kulikuwa na miwani ya jua iliyotundikwa mbele ya shati lake. Alionyesha uwepo wa kupendeza na mzuri. Miguu yake mirefu, haswa, ililinganishwa na miguu ya mwanamitindo.
Lisa alisimama pale na kumsoma kwa muda. Alihisi kama Alvin anazidi kuwa mdogo kadri alivyokuwa anazeeka. Watu wangeweza hata kuamini kwamba alikuwa na umri wa miaka 25.
“Lisa…” Alvin alipomuona anakuja, alifungua mlango wa abiria mara moja. Lisa akamkabidhi funguo ya gari na kuingia ndani ya gari....ITAENDELEA...
Unafikiri nini kitafuata hapo, maana simulizi inazidi kuwa tamu kila siku lakini sina budi kuhitimisha kipande hiki ila niwasihi tukutane katika episode zijazo ili kujua nini kitafuata kwenye mkasa huu wa kusisimua na kuelimisha unaokwenda kwa jina la LISA.
