AUTHOR...........................JOMBA WAJO
SPONSORED BY......SIMULIZI ZA DULLY
WHATSAPP...........................0628924768
SEHEMU YA................................696-697
Sura ya: 696
Rodney Shangwe, mabaki yaliyobaki, alikasirika na kusema, “Huwezi kusema hivyo. Ulitelekezwa na Patrick na mimi nikaachwa na Sarah. Angalia jinsi tunavyolingana."
“Hilo linapaswa kumaanisha nini? Unasema kwamba mimi pia ni takataka?" Pamela alikuwa katikati ya ujauzito wake, kwa hivyo alikuwa akikerwa na vitu vidogo haswa.
“Ahem, sivyo hivyo. Ninasema tu kwamba tumepitia masaibu yale yale,” Rodney alisema kwa aibu, “Mbali na hilo, sidhani kama wewe ni takataka.Wewe ni wa kipekee na mwanakemia wa vipodozi mwenye fursa kubwa huko mbele. Una mustakabali mzuri, wewe ni mdogo kuliko mimi kwa miaka mitano, na wewe ni mrembo. Nikikuoa, nitakuwa kama kinyesi cha ng’ombe kilichowekwa kwenye ua.”
Pamela awali alikuwa na hasira kidogo, lakini hakuweza kujizuia kucheka maneno yake. "Sawa, angalau unajitambua."
Rodney, akabung’aa. Ndiyo, hakuwahi kutarajia kwamba angekuwa mnyenyekevu na kujipendekeza hivyo. Hakuwahi kufanya hivyo mbele ya Sara hapo awali.
“Um... Bibie, unaweza kuniruhusu niinuke sasa? Goti langu linauma kwa kupiga magoti,” Rodney aliuliza kwa ukakamavu.
“Uliniita nani?” Pamela aliinua uso mwembamba. "Mimi ni mdogo kwako kwa nusu muongo, lakini una ujasiri wa kuniita 'Bibi'? Kwanini badala yake usiniite ‘Maam’?”
Rodney alikasirika. Ikiwa angekuwa 'Ma'am' kabla ya kuolewa naye, je, si angekuwa mfalme baada ya kuolewa naye?
“Pia, nakumbuka nilitazama habari wakati huo kwamba ulipiga magoti kwa muda mrefu ulipomchumbia Sarah. Lakini sasa unasema kwamba goti lako linaumiza baada ya muda mfupi tu? Hakika, moyo wako sio mnyoofu vya kutosha." Pamela alikoroma.
Rodney alikata tamaa. “Bibie, unataka nipige magoti hadi lini kabla ya kukubali?”
Pamela alitabasamu. “Nusu saa tu, basi nitakubali."
Nusu saa?
Pembe za mdomo wa Rodney zilitetemeka.
“Vipi, hutaki?” Pamela aliinua uso wake.
“Hapana, ni nusu saa tu. Huo ni mchezo wa watoto,” Rodney alisema mara moja.
Pamela akamtazama. "Sema, haukujali sifa ya familia ya Shangwe wakati ulikuwa na Sarah hapo awali, lakini unajali sana sasa. Unajitahidi sana kumpambania baba mdogo wako kuwa Rais?"
Rodney alifungua kinywa chake. Baada ya muda, alisema kwa sauti ya kutatanisha, “Sababu kuu ni kwamba... mimi pia ninahusika na fujo hii. Ingawa hakuna anayenilaumu, moyo wangu... bado unajisikia vibaya. Mtoto wetu atalazimika kuzaliwa mapema au baadaye. Si vyema kuwa mtoto wa nje ya ndoa. Ikiwa tutafunga ndoa, angalau wengine watajua kwamba yeye ni binti wa Rodney Shangwe na hakuna mtu atakayemcheka. ”
Pamela aliganda. Alikuwa amefikiria kuhusu matatizo hayo hapo awali.
"Endelea kupiga magoti," Pamela hatimaye alisema na kuketi karibu na dressing tabla. Alianza kuandika kitu.
Rodney hakujua alichokuwa anaandika, lakini kwa vile alikuwa akimwambia apige magoti, pengine ilimaanisha kwamba angekubali kuolewa naye. Ilimradi alikubali, angepiga magoti.
Rodney alipiga magoti huku akitazama sura ya Pamela. Ingawa alikuwa na ujauzito wa miezi minne, haikuonekana dhahiri kwani alikuwa amevaa nguo zisizo na mvuto. Macho yake yalianguka kifuani mwake ...
Hakuweza kujizuia kuwaza juu ya tukio la jana yake usiku. Labda ingekuwa nzuri kuoana. Hatimaye angekuwa na mwanamke kando yake katika siku zijazo.
Kulikuwa na sababu ya yeye kujiepusha kufanya ngono kwa muda mrefu. Kuna imani kwamba nguvu za uzazi ni nguvu za uumbaji. Kama vile zinavyoweza kuumba mtoto, ndivyo ambavyo zinaweza kuumba kitu chochote ambacho mtu anaweza kufikiria, ukiwemo utajiri. Kama zitahifadhiwa na kutumiwa vyema kwenye mambo yenye tija kuliko kutapanywa hovyohovyo kwa tendo holela la ngono, basi mtu anaweza kufanikisha mambo makubwa aliyoyapanga kuyafanya. Rodney alikuwa mfano dhahiri, iwe kweli ama si kweli, aliweza kutumia imani hiyo kufanikisha mambo makubwa, ikiwemo kuanzisha biashara ya mambilioni ya Osher Corporation, bila hata msaada wa familia yake. Alikuwa amejiepusha na ngono kwa miongo kadhaa, sasa ilikuwa imetosha. Ikiwa angeendelea, huenda ingemlazimu kuwa towashi.
Baada ya kupiga magoti kwa nusu saa, Pamela alitembea na kipande cha karatasi. "Simama."
Rodney alisimama huku akiumwa goti, na Pamela akampa karatasi. “Isome. Ukikubali, basi tunaweza kufunga ndoa.”
Rodney akaifungua ili kuisoma. ‘Baada ya ndoa, hutaruhusiwa kunigusa. Tunaoana kwa jina tu.’
Ikiwa Rodney angekuwa na uhusiano wa kimapenzi nje ya ndoa katika siku zijazo, Pamela asingeuliza pesa au mali yoyote. Hata hivyo, mtoto angekaa na Pamela. Baada ya talaka, Rodney lazima alipe matumizi wa mtoto. Ndoa ingekuwa ya miaka mitatu. Ikiwa Pamela angeomba talaka, Rodney lazima akubali.
Rodney haruhusiwi kuwa na mahusiano ya nje ya ndoa ndani ya miaka hii mitatu. Ikiwa angetaka kuwa na uhusiano nje, Pamela angekubali mradi tu watalikiane kwanza.
Rodney haruhusiwi kukutana au kuwa na chochote kinachoendelea na Sarah Njau. Ikiwa Pamela atagundua, wataachana mara moja bila kujali ikiwa miaka mitatu imepita au la.
Rodney lazima aandamane na mtoto kwa saa moja kila siku, isipokuwa kama yuko kwenye safari za kikazi. Baada ya ndoa, Rodney atapika.
Baada ya ndoa, Rodney lazima awaheshimu wazazi wa mwanamke huyo.
Nini ... hii ilikuwa kuzimu?
Mdomo wa Rodney ulimsisimka huku akikaribia kutapika damu. “Hii si haki. Kwanini yote ni kuhusu mimi kutoka nje ya ndoa? Je, ikiwa badala yake wewe utatoka nje?”
“Sitatoka. Mimi si mhuni kama wewe,” Pamela akamkatisha. "Wanawake hufikiria juu ya shida za mioyo na akili zao, lakini nyinyi wanaume hufikiria shida za sehemu ya chini ya mwili wenu. Ni tofauti.”
"... Inatosha kwa mashambulizi ya kibinafsi." Rodney alikasirika. “Pia, kwanini nikubaliane ukiomba talaka? Inaonekana wewe ndiye pekee mwenye maamuzi katika ndoa hii.”
"Ni vizuri unajua." Pamela akaitikia kwa kichwa. "Ninaongeza masharti hayo kwa sababu hatuna msingi wa kihisia. Maisha ni marefu sana, kwa hivyo ni nani anayejua ikiwa wewe au mimi tutapenda mtu mwingine katika siku zijazo? Katika miaka mitatu, nafasi ya bamdogo wako kama Rais itakuwa shwari, hivyo tunaweza kupeana talaka wakati huo.”
"Lakini mtoto atakuwa na umri wa miaka miwili tu. Haitakuwa vyema kwa mtoto ikiwa wazazi wake watatalikiana,” Rodney aliteta.
Pamela alikuwa kimya. Rodney mara moja akasema, “Ndiyo, hatuna msingi wa kihisia sasa, lakini hiyo haimaanishi kuwa hatutakuwa na msingi katika siku zijazo. Tutakuwa tukiishi pamoja kila siku kuanzia sasa na kuendelea. Itakuwaje... Vipi nikikuza hisia zangu kwako...”
Pamela alimtazama kwa mshangao, Rodney akahisi uso wake ukiwaka kwa aibu kutokana na macho yake angavu. “Ninachomaanisha ni... Tazama, mimi ni mzuri sana, na wewe ni mrembo. Labda nitakuwa mume mwema na baba mzuri baada ya ndoa. Sidhani kama tunapaswa kuwa na mawazo kuhusu talaka kabla hata hatujafunga ndoa. Tunapaswa kufanya kazi kwa bidii pamoja kwa ajili ya mtoto. Ikiwa kwa kweli hatuwezi kufanya, tunaweza kukata tamaa basi.”
“ .. Sawa. ” Pamela alisita kabla ya kutikisa kichwa. "Tutaachana ikiwa hatuwezi kuwa na hisia kwa kila mmoja."
“Sawa.” Rodney alifurahi sana. Alikohoa kwenye ngumi na kusema, "Kwa kuwa tutakuwa tunajaribu kuwa na hisia kwa ajili ya mtoto, basi nadhani... bado tunapaswa kuwa wa karibu. Tazama, wanandoa wengi hukuza hisia zao kitandani—”
"Katika ndoto zako! ” Pamela alirudi kwenye fahamu zake na kumkatisha kwa uso mwekundu. "Rodney Shangwe, wewe ni mvinje."
“Ninasema tu ukweli,” Rodney alinong’ona, “Inafaa...”
“Hapana.” Pamela akatazama mbali. "... Siwezi kufanya bila hisia."
“Sawa.” Rodney alikata tamaa. Alihisi kwamba alikuwa mnyonge sana. Baada ya kujiepusha kwa miongo kadhaa, bado ilimbidi ajizuie baada ya ndoa. Sahau. Angesaidia familia ya Shangwe kukabiliana na shida hii kwanza.
“Kisha nitashuka na kuzungumza na wazazi wangu. Baada ya chakula cha mchana, tutawaruhusu viongozi waje na kutufanyia taratibu za ndoa,” Rodney alisema kwa sauti ya chini.
"... sawa." Pamela alijiuzulu kwa hatima. Kwa vyovyote vile, ilimbidi aolewe mapema au baadaye. Hakuwa na wakati wa kuwapigia simu wazazi wake.
“Toa mkono wako nje. Nitakuvisha pete.” Rodney akatoa pete.
"Hakuna haja..."
"Ni aina gani ya ndoa isiyo na pete?" Rodney aliushika mkono wake na kutelezesha pete kwenye kidole chake cha pete. Ilikuwa inafaa kabisa.
Pamela alitazama chini pete mkononi mwake. Ilikuwa nzuri sana na kwa kweli aliipenda. Hakuna mwanamke asiyependa pete. "Hebu nikuulize, ya Sarah ilikuwa kubwa au ni yangu?"
"Kwa nini unaendelea kulinganisha kila kitu na Sarah?" Rodney alihisi huzuni. "Je, unaweza kuachana na jina hilo kidogo katika siku zijazo? Ni kana kwamba kuna mzimu unatusumbua.”
"Jibu swali langu. ” Pamela alikoroma na kuweka mikono yake kwenye makalio yake.
“Yako ni kubwa zaidi. Yako ni karati tisa." Rodney alifarijiwa kwa siri. Kwa bahati nzuri, Wendy alikuwa amemwambia anunue kubwa zaidi alipoenda kuinunua.
“Sawa, unaweza kuondoka sasa hivi.” Hapo ndipo Pamela alitabasamu kwa kuridhika na kutikisa mkono wake.
Pembe za mdomo wa Rodney zilipinda kuelekea juu. Haraka akashuka kwenda kuwaeleza wazazi wake habari hizo za furaha.
Sura ya: 697
Alasiri, watu kutoka ofisi ya jiji walikuja kibinafsi kuandikisha ndoa yao.
Haikuchukua muda cheti kikaangukia mikononi mwa Pamela.
Kila mtu katika familia ya Shangwe alifurahi sana. Jason hata alimpa jumba la kifahari. “Hii itakuwa ya nyumba yako na Rodney siku zijazo. Sio mbali na hapa, na ni mita za mraba 1,500. Kuna watumishi wawili huko pia."
Pamela alihisi kwamba cheti cha nyumba mkononi mwake kilikuwa kizito sana. Watu wanaoishi katika kitongoji hicho walikuwa na nguvu na waungwana, kwa hiyo ilikuwa mahali muhimu katika jiji kuu na usalama bora zaidi. Ardhi ya hapo ilikuwa ghali sana, na jumba la kifahari huko lingegharimu angalau shilingi bilioni chache.
“Jason amekupa nyumba, lakini sijui nikupe nini. Nitakupa tu ubao wa kuogea.” Wendy alitabasamu na kutoa ubao. "Kama Rodney anakukasirisha, mfanye apige magoti juu yake. Akikataa kupiga magoti, unaweza kunipigia simu tu.”
“Mama...” Rodney akawa hana furaha.
“Asante Aunty. Naipenda sana zawadi hii.” Pamela alitabasamu sana.
"Aunty? Unapaswa kuniita 'Mama' sasa." Wendy alitingisha kichwa chake, katika mood nzuri. Hamu yake ilitimizwa hatimaye.
Saa kumi jioni, Jason aliwachukua wawili hao hadi Shangwe Corporation kufanya mkutano na waandishi wa habari. Kwa kuwa suala hili lilihusisha Rais wa baadaye, waandishi wengi wa habari kutoka kila kona ya nchini walihudhuria.
“Mwenyekiti Shangwe, kwa nini uko hapa? Waziri Shangwe yuko wapi? Je, hajapanga kueleza kisa cha bintiye wa kike kuwadhulumu wengine?”
"Je, Pamela Masanja ana nia ya kuomba msamaha? Lakini kuna umuhimu gani wa kuomba msamaha? Alisababisha bei ya hisa ya Jackson & Sons Company kushuka kwa siku kadhaa. Mabilioni yametoka kwenye soko la hisa."
"Nilisikia kwamba Bi Masanja alichumbiana na Bwana Jackson kutoka Jackson & Sons Company hapo awali. Baadaye, alipendekeza kuachana. Lakini alipomwona Patrick Jackson akipata mpenzi mpya, alikosa furaha na kumtishia Patrick kwamba ikiwa hataachana na mpenzi wake, ataiharibu Jackson & Sons Company.”
"Pia nilisikia kwamba Binti Mkubwa wa Shangwe anataka kushughulika na Jackson & Sons Company na familia ya Shei. Je, hii ni kweli?”
"Familia ya Shangwe lazima iombe msamaha kwa suala hili."
"Je, familia ya Shangwe haikumfukuza Rodney Shangwe kutoka kwa familia muda mfupi uliopita? Mbona amerudi haraka hivyo? Je! familia ya Shangwe ilikuwa ikionyesha tu maonyesho?"
Baadhi ya wanahabari walikuwa wamehongwa na washindani wa Nathan na kuuliza maswali kadhaa ya kufedhehesha. Hata hivyo, Jason alikuwa mtu ambaye alikuwa amepitia mambo mengi maishani. Alibaki mtulivu mwanzo-mwisho.
Baada ya zaidi ya dakika kumi, makoo ya waandishi hao yalitoka kwa sauti ya kupiga kelele. Hatimaye hawakuweza kujizuia na kusema, “Kwa nini hujibu lolote kati ya maswali yetu? Una hatia?"
“Mmetupa nafasi ya kujibu?” Macho makali ya Jason yakatua kwa waandishi. Ilikuwa sura moja tu na sentensi moja, lakini iliwafanya waandishi wa habari kutetemeka.
“Ninafanya mkutano na waandishi wa habari leo kwa sababu tukio hili linazidi kuwa kubwa. Imeleta shida nyingi kwa familia ya Shangwe," Jason alisema kwa unyogovu, "nilikuja hapa leo na mwanangu na binti-mkwe wangu kuomba msamaha."
"Kwa hivyo unakubali kwamba ulikosea, na unakubali kwamba familia ya Shangwe ilikuwa ikiwanyanyasa wengine?" waandishi wa habari mara moja walipiga bomba tena.
"Kwa kweli ni makosa kuwapiga watu." Jason alikunja uso. "Lakini ninaamini kwamba mtu yeyote atakasirika akiona mke wake mwenye ujauzito wa miezi minne akipigwa kofi."
Waandishi wa habari walikuwa katika ghasia. “Hiyo ina maana gani? Bi Masanja ana mimba? Rodney Shangwe alikua mume wake lini?"
Jason alimtazama Rodney, Rodney akasimama. "Ninaamini kila mtu anajua kuwa wakati wa karamu ya uzinduzi wa bidhaa ya Osher Corporation, kuna mtu alipanga njama dhidi yangu na Pamela, na kutufanya tulale pamoja. Sikutarajia angepata ujauzito usiku huo na niligundua hivi majuzi tu. Tayari nimeachana na Sarah Njau, na Pamela kwa sasa ni mke wangu.
“Jana, nilikuwa nikimpelekea kitu nilipomwona akipigwa kofi na Patrick Jackson. Akili yangu ilizimika kutokana na hasira. Ana ujauzito wa miezi minne, na kuna wakati ulikaribia kuharibika. Familia ya Shangwe imekuwa makini sana wakati huu, lakini... samahani.”
Aliinama na kusema, “Kuhusu mimi kumpiga Linda Shebi, ni kweli nilimpiga. Alikuwa amesimama mbele ya Patrick na sikuweza kuzuia hasira yangu wakati huo.”
Waandishi walipigwa na butwaa. Hakuna aliyetarajia Pamela kuwa mjamzito.
"Hiyo haiwezekani. Haonekani kuwa na ujauzito wa miezi minne hata kidogo. ” Baadhi ya wanahabari waliibua shaka.
"Hizi ni risiti za uchunguzi wa ujauzito na uchunguzi unaohusiana nao. Amekuwa akienda kufanyiwa uchunguzi wa uzazi kila mwezi.”
Rodney alionyesha ripoti za ujauzito moja kwa moja kwenye skrini kubwa nyuma yake. “Ungefanya nini ukiona mkeo wa miezi minne anapigwa? Ninakubali kwamba nilikuwa na msukumo, na ninaomba msamaha. Lakini katika hali kama hiyo, sikuweza kujizuia kupoteza busara yangu.”
Mwandishi alisema, “Lakini tunavyojua, Miss Masanja alilenga Jackson & Sons Company kwanza. Vinginevyo, Linda Shebi asingemsumbua Miss Masanja. Pia, alipiga magoti kuomba msamaha, lakini Bi Masanja hakujali na akawa mwenye kiburi.”
Pamela alikunja uso. “Ninaamini lazima nyote mlitazama video hiyo. Katika hali hiyo, unapaswa kujua kwamba sijawahi kumgusa Linda mwanzo hadi mwisho. Alitokea ghafla, akapiga magoti mbele yangu bila kuchokozwa na kuniomba msamaha. Nilichanganyikiwa. Kusema ukweli, simfahamu vizuri na hatuna uhusiano mzuri. Kwa nini niongee naye? Nilihisi kuumwa kwa kusikia tu sauti yake, kwa hivyo nilitaka kuondoka moja kwa moja. Yeye ndiye aliyekuwa akining’ang’ania.”
“Huoni kama ulienda mbali sana?” mwandishi wa habari alimshtaki.
“Je, ni lazima nijifanye kuwa na nia njema kuelekea mtu kama Linda? Kama mbwai na iwe mbwai tu, na chuki ni chuki. Patrick na mimi tulipokuwa tukichumbiana, Linda alizunguka nasi kila mara akitumia utambulisho wake kama rafiki wa utotoni wa Patrick. Je, umewahi kuona jinsi mpenzi wako anavyokuja na msichana mwingine wakati nyinyi wawili mnanunua vitu, mkitazama sinema, mkienda kutembea, na mkila pamoja?”
Pamela alisema huku akionyesha kuchukizwa, “Niliachana na Patrick kwa sababu sikuweza kuvumilia. Ninaamini wafanyakazi wengi katika makao makuu ya Jackson & Sons Company huko Dar es Salaam wanaweza kuthibitisha hili. Wakati Patrick na mimi tulipokuwa tukichumbiana, Linda alishikamana na Patrick kila wakati Samahani, lakini mimi si mtu mahiri hivyo. Namchukia mwanamke huyu.”
"Kwa hiyo ulilenga Jackson & Sons Company kwa sababu unamchukia?" mwandishi aliuliza kwa ukali.
Jason akachukua ripoti nyingine. "Tumeuliza idara ya usimamizi kuhusu hili. Idadi ya bidhaa zinazouzwa sana na Jackson & Sons Company zina acrylamide. Idara ya usimamizi inachunguza kampuni yao kwa sababu kiwango cha acrylamide kwenye vyakula vyao kinazidi viwango vya kimataifa. Wakati huo huo, kiwango cha sukari pia kinazidi wastani.
"Ikiwa huniamini, unaweza kuangalia vipimo hivi vya maabara. Hili ni jambo zito, kwa hivyo Jackson & Sons Company iliombwa kusitisha uzalishaji na kurekebisha tatizo hilo. Lakini, Jackson & Sons Company ilisisitiza kufungua tawi katika nchi ya Kenya. Kwa kuwa Patrick hana uwezo wa kusuluhisha mzozo huu, alimwandama Pamela na kusema kwamba alikuwa akimlenga. Alitaka kumtumia Pamela kuisaidia Jackson & Sons Company kupitia shida hii.
Waandishi walitazamana.
Macho ya Jason yalipita katikati ya kundi la wanahabari mmoja baada ya mwingine. " Kwa kweli ni makosa kuwapiga watu, na familia ya Shangwe inaomba msamaha kwa hilo. Lakini tetesi za kwenye mtandao kuhusu Pamela kutumia hadhi yake kuwadhulumu wengine zilitoka wapi? Familia ya Shangwe itachukua hatua za kisheria dhidi ya wale wanaothubutu kukashifu sifa yetu. Mkutano na waandishi wa habari leo unaishia hapa.”
Alizima kipaza sauti na kuondoka na Rodney na Pamela.....ITAENDELEA....
Unafikiri nini kitafuata hapo, maana simulizi inazidi kuwa tamu kila siku lakini sina budi kuhitimisha kipande hiki ila niwasihi tukutane katika episode zijazo ili kujua nini kitafuata kwenye mkasa huu wa kusisimua na kuelimisha unaokwenda kwa jina la LISA...
