AUTHOR...........................JOMBA WAJO
SPONSORED BY......SIMULIZI ZA DULLY
WHATSAPP...........................0628924768
SEHEMU YA................................504-505
Sura ya: 504
Baada ya kuingia kwenye helikopta, Lisa bado alihisi kuchanganyikiwa.
Alikuwa ameokolewa na Kelvin, lakini alikuwa amechelewa mno. Hakuweza kujifanya kuwa hakuna kilichotokea.
“Kwa hiyo, Kelvin, unaweza kuniambia ni nini hasa kinaendelea nje? Ulinipataje? Niko wapi sasa?” Aliuliza kwa mshangao.
“Hiki ni kisiwa kidogo kwenye Bahari ya Hindi. Ni kisiwa ambacho Alvin alikinunua akiwa nje ya nchi, na hakikusajiliwa chini ya jina lake, kwa hivyo hatukuweza kujua. Nimefanikiwa kukupata tu kwa sababu nilipiga simu polisi na kusema Alvin amemteka mke wangu.” Kelvin alimweleza kwa subira, “Lisa, kwa kweli nilitaka kuwataarifu polisi zamani, lakini Alvin alipokuchukua, alinitisha akisema angeharibu familia yangu ikiwa ningethubutu kuripoti. Sijali kinachonipata, lakini ni lazima nifikirie kuhusu wazazi wangu.”
Lisa akashusha pumzi ya baridi. “Sikutarajia Alvin angekuwa mkatili kiasi hicho. Hata alitumia familia yako kukutisha.”
“Ndiyo.” Nuru ilimulika machoni pa Kelvin, na akasema kwa sauti ya chini, “La sivyo, ningewaita polisi zamani sana.”
“Lakini kwanini uliripoti polisi sasa? Humuogopi tena?” Lisa aliuliza kwa mashaka. "Alvin aliniambia mara ya mwisho kuwa smartphone ya KIM International itaingia sokoni, na inaonekana kama itakuwa bora zaidi duniani. Katika siku zijazo, hadhi yake itakuwa dhahiri - ”
"Smarphone ya KIM International ilishindwa kuingia sokoni."
Kelvin alimkatisha, “Nilisikia kwamba ni kampuni ya kigeni iitwayo Landell Group iliyozindua smartphone yenye nguvu zaidi kwanza, lakini inayofanana kabisa na yao. KIM International ilikumbwa na misukosuko ya kuvuja kwa data za smartphone hiyo na hisa zao zimekuwa zikishuka tangu jana. Thamani ya soko ya KIM International ilipungua kwa zaidi ya dola bilioni 20.”
Lisa alipigwa na butwaa. dola bilioni 20? Je, hisa zilikuwa zimepungua kwa kiasi gani? Haikuwa ajabu Alvin kuondoka kwa haraka.
"Vipi walianguka vibaya sana?"
“Ni kwa sababu KIM International ilisema kuwa Kilimanjaro Smartphone waliyokuwa wakitengeneza ilikuwa simu nambari moja duniani. Hii ilivutia makampuni mengi makubwa ya ndani na nje ambao walilipa amana nyingi. Wakati smartphone ya Landell ilipotoka ikifanana kabisa na Kilimanjaro Smartphone, kampuni washirika wote walidhani walikuwa wametapeliwa.”
KIM International ilisababisha hasara kubwa kwa kampuni washirika. Kulingana na mkataba, KIM International inapaswa kulipa kiasi kikubwa cha fidia ambayo inaweza kusababisha kufilisika kwao.”
Lisa alishtuka. Muda wote huo, Alvin alikuwa kama mungu aliyesimama juu ya piramidi. Hakuwahi kutarajia KIM International kuanguka ghafla baada ya kukumbwa na misukosuko.
Wengine wanaweza wasielewe, lakini alimfahamu Alvin.
Alvin hakuwahi kuwa mtu mwenye majigambo, na watu wa ONA walifanya kazi kwa bidii kila wakati. Haikuwezekana kwamba hawakujua kwamba Landell ilikuwa imefanikiwa kutengeneza smartphone kwa kutumia data za KIM International.
Lisa alihisi kuwa ni ajabu. Alvin alianguka ghafla sana. Ilikuwa kana kwamba kuna mtu alikuwa akilenga KIM International kwa makusudi.
“Basi ... Nadhani familia ya Kimaro si familia ya juu zaidi nchini?" Hakuweza kujizuia kuuliza kwa sauti ya chini.
“Ndiyo. Sasa, thamani ya soko ya KIM International iko chini hata kuliko ya kampuni yangu. Kelvin alisema, “Hakuna kitakachotokea kesho. Ikiwa Alvin hatazifidia kampuni hizo, sifa ya KIM International itagonga mwamba na hakuna kampuni itakayothubutu kushirikiana nazo katika siku zijazo.
Ikiwa atalipa, KIM International inaweza kuwa kampuni ndogo tu inayosimama kwa miguu yao ya mwisho. Wanaweza kusahau kuhusu kuja na pesa za kuwekeza katika maabara ili kutengeneza simu katika siku zijazo. Ikiwa hakuna chips mpya zitazinduliwa, KIM International itaondolewa kwenye soko hili.”
Lisa alielewa. Kwa kifupi, Alvin alikuwa amekutana na mwisho mbaya wakati huu.
Familia nambari moja nchini ilikuwa inaenda kutoweka.
"Lisa, Alvin hataweza tena kututisha katika siku zijazo." Kelvin ghafla alinyoosha mkono na kumshika kwa nguvu mikononi mwake.
“Sitamwacha kamwe kwa kumuiba mke wangu."
Lisa aliinua macho na kuona chuki machoni mwake. Alishtuka. “Kelvin…”
"Lisa, hutaki kulipiza kisasi?" Kelvin aliinamisha kichwa chake na kumtazama kwa macho magumu. “Kama mwanamume, mke wangu alichukuliwa hadharani wakati wa harusi yetu. Je, nijifanye kuwa hakuna kilichotokea? Isitoshe, ulikuwa umefungwa kwenye kisiwa hicho na lazima uliteseka sana. Ni wakati wa kusuluhisha matokeo."
Kope za Lisa ziliinama. Ilikuwa ni kawaida kwa Kelvin kuwa na mawazo hayo. Mwanaume yeyote angechukia kitu kama hicho. Hata yeye, alikuwa amemchukia Alvin bila kifani. Alimlaani hata kupoteza kila kitu. Lakini, kwa kuwa siku kama hiyo ilikuwa imefika, hakuhisi furaha hata kidogo. Ilikuwa ni kama… yeye kweli… hakutaka kulipiza kisasi kwa Alvin. Hiyo inawezaje kuwa? Je, inaweza kuwa alikuwa amepata ganzi baada ya kuteswa na Alvin?
Lisa alitetemeka huku akijisikia vibaya. “Kelvin, utafanya nini?” Alinung'unika.
“Bila shaka, nitamshtaki kwa utekaji nyara,” Kelvin alisema kwa sauti ya chini, “Wewe ndiye mtu uliyetekwa nyara. Mradi tu utawaambia polisi kwamba alikufunga, alikuwekea mipaka ya uhuru wako binafsi, na… akakudhuru, atahukumiwa.”
Kudhuru? Lisa aliogopa sana, na uso wake ukazidi kuwaka moto kutokana na aibu. Baada ya muda mrefu, sauti yake ilitoka kwenye koo lake. "Kelvin, unamaanisha nini?"
Macho meusi ya Kelvin yaling’aa kwa dalili za maumivu, lakini alitabasamu kwa uchungu muda mfupi baadaye. “Lisa, sisi sote ni watu wazima. Kusema ukweli, siamini kwamba Alvin hakukugusa baada ya kukuteka na kukuficha. Lakini wewe ni mke wangu. Ilimradi hukukubali, tabia yake ni uhalifu.”
Lisa alishindwa kuinua kichwa chake kutokana na aibu. Baada ya nusu dakika ya ukimya, alitoa mkono wake kutoka kwake na kuondoka kwenye kumbatio lake. Alitembea hadi dirishani. Alihitaji muda wa kutafakari jambo hili.
“Lisa, tangu nilipokuja kukutafuta, sitakatishwa tamaa kuhusu hayo yote.”
Kelvin alisema kwa mapenzi mazito nyuma yake, “Najua ulilazimishwa, sikuwa na maana. Ikiwa ningekuja mapema, usingekutana na haya yote. Lakini lazima ukubali kwamba Alvin ni kichaa. Anapaswa kupata adhabu inayostahiki kwa matendo maovu aliyoyafanya.”
Maneno ya Kelvin yalikuwa kama mizinga, yakigonga kichwa cha Lisa moja baada ya nyingine.Ndiyo. Alvin alikuwa amefanya jambo lisilo halali. Yeye pia hakukubaliana naye. Watu wanapaswa kuhukumiwa ikiwa wamevunja sheria, sivyo? Kwanini sasa alikuwa anasitasita? Hata kama Alvin alienda jela na KIM International ikaanguka, haikuwa na uhusiano wowote naye.
"Lisa, ninaelewa kuwa ni vigumu kwako kutaja mambo kama hayo kwa polisi, lakini ni vigumu kwangu pia," Kelvin alisema kwa uchungu, "Lakini tunaweza kukabiliana nayo pamoja katika siku zijazo. Mimi, Kelvin Mushi, sitakuacha kamwe.”
Kadri alivyozidi kuongea ndivyo Lisa alivyohisi hatia. Kadiri Kelvin alivyomtendea vizuri ndivyo jiwe kubwa la moyo wake lilivyozidi kuwa zito.
Sura ya: 505
Saa tano baadaye.
Helikopta ilitua kwenye uwanja wa makazi ya Ngosha. Wote wawili Joel na Lucas walikuwa wamesubiri hapo kwa muda mrefu. Lucas ambaye hakuweza kuwasiliana na Lisa kwa muda mrefu, alikimbia na kuruka moja kwa moja kwenye mikono ya Lisa.
“Mama…” Lucas alimkumbatia Lisa kwa macho mekundu. “Nilikukumbuka sana.”
"Lucas, ulikuwa na wasiwasi juu yangu siku hizi?" Lisa alimbusu paji la uso huku moyo ukimuuma. “Sijambo. Nimerudi. Sitawahi kukuacha katika siku zijazo.”
"Mama, namchukia." Lucas alitazama juu, macho yake yakiwa yamejaa chuki. Asingeweza kusahau kwamba Alvin Kimaro alimpiga Mama yake na kumfanya kutoweka kutoka kwa ulimwengu wake.
Alipokuwa katika shule ya chekechea wiki hizi chache, mara kwa mara angesikia walimu wakizungumza kuhusu Mama yake. Kila mtu alisema kwa kuwa Lisa alichukuliwa na Alvin na kuchafuliwa, Kelvin angemtaliki. Hakuna mwanaume ulimwenguni ambaye angeweza kumkubali Lisa tena.
Aliposikia hivyo moyo wake ukawa na hofu isiyo kifani. Alitaka tu mama yake awe na furaha, lakini yote yaliharibiwa na baba yake mchafu mwenye ubinafsi, Alvin Kimaro.
Lisa alishtuka kuona chuki machoni mwa mwanae. “Lucas…”
Midomo yake ikasogea kidogo. Angeweza kumchukia Alvin, lakini hakutaka mwanawe na binti yake wamchukie baba yao mzazi. Baada ya yote, hii ilikuwa kati ya Alvin na yeye. Hakutaka watoto wake waanguke kwenye kivuli.
Hata hivyo, Kelvin na Joel walikuwa karibu, hivyo hakuweza kusema mengi sana.
“Ni vizuri kwamba umerudi. Haupaswi kula chochote siku nzima. Nitawaambia jikoni waandae chakula kitamu.” Joel aliwaongoza ndani ya Jumba.
Alipanda juu kwanza kubadilisha nguo zake. Simu yake ya mkononi na vitu vingine vilikuwa kwenye meza. Haraka akaingiza neno la siri. Simu nyingi ambazo hukujibu zilionekana kwenye skrini.
Akampigia simu Pamela kwanza. "Nimerudi."
“Shoga yangu mpendwa, hatimaye umerudi! ” Pamela alikuwa na hisia kali kiasi kwamba alikaribia kulia. "Nilidhani utarudi tu baada ya kubebeshwa kitumbo na Alvin."
Lisa akaguna. Maneno ya Pamela yalikuwa karibu kutimia wazimu.
“Huna… mimba ya mtoto wa Alvin kweli?” Pamela aliuliza ghafla kwa woga.
"Hapana." Lisa alikasirika. Alichukua simu na kutoka hadi kwenye kibaraza.
"Oh, ulilala na Alvin?" Pamela aliendelea kumdadisi.
Lisa alihisi hasira na kusaga meno. “Umemaliza? Unaweza kuuliza kitu kingine?"
“Siku zote nimekuwa nikipendezwa zaidi na aina hii ya maswali. Yanasisimua zaidi.” Pamela akacheka.
"Bullsh*t." Lisa hakuweza kujizuia. "Dhamiri yangu imekuwa ikiteswa mchana na usiku kwa mwezi mzima uliopita."
“Usiwaze hivyo. Ulilazimishwa na yeye." Pamela alimfariji. "Haukukusudia kuwa na uhusiano wa kimapenzi nje ya ndoa."
"Nyamaza." Maneno 'uhusiano wa nje ya ndoa' yaliuchoma moyo wa Lisa.
"Sawa ..." Pamela alibadilisha mada. "Hata hivyo, Alvin Kimaro hataweza kufanya chochote kwako katika siku zijazo."
Lisa aliinua midomo yake na kuuliza kwa hisia ngumu, "Je, hali ya KIM International sasa ni mbaya hivyo?"
"Mnoo, lakini nilisikia kutoka kwa Rodney kwamba Alvin ana nia ya kuwafidia wale washirika. Kwa kweli, anapaswa kuwalipa. Kampuni hizo zote ni za kimataifa na zina pesa nyingi za kushiriki katika kesi za kisheria.
Mara atakapowalipa, KIM International haitakuwa na pesa nyingi zaidi. Kusema kweli, Alvin alipata bahati mbaya sana wakati huu. Lakini hakuna anachoweza kufanya. Ni Jack ambaye alisaliti kampuni.
"Jack alisaliti KIM International?" Lisa alishangazwa na hilo.
“Bado hujui?” Pamela alisema, “Nilisikia uvumi huu kutoka kwa wasimamizi wakuu wa Osher. Inavyoonekana, kampuni mpya ya nje iitwayo Landell iliiba data za Kilimanjaro Smartphone ya KIM International. Ni sawa kabisa. Mtu wa ndani aliingia kinyemela katika maabara ya KIM International na kufuta data yote ili wasiwe na sababu za kumshtaki Landell kwa wizi.”
"Landell alikabidhi haki zote za kutumia na kusambaza bidhaa zote za smartphone hiyo kwa kampuni ya Campos. Hadhi ya familia ya Campos imepanda na kuwa familia nambari moja nchini. Ili kuiweka wazi, familia ya Campos na Landell waliungana dhidi ya KIM International.”
Lisa alishtuka. "Familia ya Campos ni ya ajabu sana. Ushindani katika soko ni wa kawaida, lakini hawawezi kuiba ili kufikia lengo lao. Kwa njia, hii ina uhusiano gani na Jack?"
"Baba yake Jack, Mason Campos, ndiye mwanahisa mkubwa zaidi wa Kampuni ya Campos. Mason sasa ni mwenyekiti wa Campos Corporation. Mason pia alitangaza hadharani kwamba jina la Jack Kimaro litabadilishwa rasmi kuwa Jack Campos.” Pamela alibofya ulimi wake. “Ni dhahiri. Kampuni ya Campos ikiingia madarakani, atakayefaidika zaidi nayo ni Jack. Katika siku zijazo, mali iliyo mikononi mwa Mason itakuwa ya mtoto wake. Inasemekana pia kwamba familia ya Kimaro iliita polisi na kumtia Jack kituoni siku iliyotangulia jana, lakini Mason alimwachilia kwa dhamana mara moja. Unadhani ni nani mwingine angeweza kuiba data kama si Jack?”
Kichwa cha Lisa kilimzunguka huku akisikiliza. Jack alikuwa rafiki yake na mtu ambaye alikuwa amemuokoa hapo awali. Alikuwa pia 'baba wa mchongo' wa Suzie.
“Siamini kwamba yeye ndiye aliyefanya hivyo,” Lisa alisema kwa sauti ya chini, “Kwa kuwa Jack aliniokoa wakati huo, inaonyesha kwamba ana dhamiri. Yeye si mtu ambaye angeweza kukata uhusiano na familia yake kwa ajili ya madaraka na hadhi.”
"Naogopa ni wewe tu ungesema hivyo sasa." Pamela alipumua. “Wengine wanafikiri tofauti. Jack ana nia. Amekuwa akikandamizwa na Alvin miaka yote na familia ya Kimaro haimthamini. Alvin alidiriki hata kumpiga hadharani miezi michache iliyopita.
Tukio hilo lilipoenea katika jiji zima, kila mtu alimcheka.
"Jack ni mwanaume, kwa hivyo bila shaka angehisi kinyongo. Isitoshe, siku chache kabla ya tukio hilo, nilisikia kwamba Jack, Mason, na Maurice walikutana kwenye mgahawa wa kahawa ili kula njama pamoja.”
“Nitampigia simu Jack nimuulize. Nimemkumbuka Suzie hata hivyo.” Lisa alizidi kukosa raha kadri alivyozidi kusikiliza.
Pamela alisema, "Fanya haraka. Watu wengi katika familia ya Kimaro wamekumbwa na majanga hata hivyo. Pengine hakuna mtu yeyote anayemtunza Suzie hivi sasa.”
"Nini kimetokea tena?"
“Mzee Kimaro alipata kiharusi kutokana na hasira na amepooza; Willie alipigwa na familia ya Campos na sasa amedumaa kiakili.”
Lisa alihisi kama ubongo wake ulikuwa umetoka tu kulipuka. Baada ya kuondoka kisiwani, alikuwa amepokea habari nyingi za kushtua. Ingawa Mzee Kimaro alikuwa mzee, alikutana naye hapo awali na alijua alikuwa na afya njema. Kuhusu Willie, ingawa alikuwa amemlenga huko Dar es Salaam, alishinda chuki hiyo alipomvua nguo zake chooni. Hata alimsaidia alipoenda kwenye makazi ya familia Kimaro kwa mara ya kwanza baada ya kufika Nairobi. Hakutarajia kuwa angekuwa na akili punguani sasa.
"Hivi Kimaro hawakutoa taarifa kwa polisi?" Hakuweza kujizuia kuuliza.
“Wanatakiwa kuripoti nini? Familia ya Campos ilisisitiza kwamba Willie alijaribu kumdhalilisha mke wa Given Campos na Given akampeleka kwenye jumba lao. Wakati Alvin alipofika, tayari alikuwa amechelewa. Given alimrushia rundo la pesa akisema ni kwa ajili ya gharama za matibabu. Hata kama Alvin angeenda polisi, familia ya Campos ingelazimika kulipa fidia tu.
"Kwa familia za Campos na Kimaro, kitu cha mwisho wanachojali ni pesa. Aidha, Kelvin aliripoti kwamba Alvin alikuteka nyara, hivyo Alvin alikuwa hoi na vilevile alipelekwa kituo cha polisi. Ni Chester na Rodney ambao walipata njia ya kumdhamini.”
Lisa alichukua muda mrefu kuyatafakari maneno hayo kabla ya kuhema. "Familia ya Campos haina huruma sana. Haijalishi nini, bila uungwaji mkono mkubwa wa familia ya Kimaro wakati huo, familia ya Campos isingekuwa hapa ilipo leo.”
“Ni asili ya binadamu kuwa na pupa. Mason Campos ndiye aliyefanya kazi nzuri sana ya kujificha. Baada ya kudhihirisha rangi zake halisi, kitu cha kwanza alichokifanya ni kuachana na mke wake ambaye hakuwa na thamani tena kwake. Hafikirii chochote kuhusu watu sasa." Pamela alipumua. Ingawa namchukia Alvin na ninafurahi kwamba amekuwa hivi, nadhani watu wanapaswa kufanya mambo ipasavyo. Ni jambo la aibu sana kuwarubuni watu na kuwahadaa.”
“Nafikiri hivyo pia.” Lisa aliunga mkono pia......ITAENDELEA...
Unafikiri nini kitafuata hapo, maana simulizi inazidi kuwa tamu kila siku lakini sina budi kuhitimisha kipande hiki ila niwasihi tukutane katika episode zijazo ili kujua nini kitafuata kwenye mkasa huu wa kusisimua na kuelimisha unaokwenda kwa jina la LISA..
