AUTHOR...........................JOMBA WAJO
SPONSORED BY......SIMULIZI ZA DULLY
WHATSAPP...........................0628924768
SEHEMU YA................................502-503
Sura ya: 502
Jack aliendelea kupiga kelele, “Humpendi mama yangu hata kidogo. Kwa zaidi ya miaka 20, ulimchukulia kama chombo cha kukutajirisha. Ndio maana wewe pia hunipendi mimi kama mwanao.”
“Endelea kuongea.” Mason aliivuta sigara bila kujali na kupuliza moshi polepole.
Hata hivyo, Jack alihisi baridi kwenye mifupa yake alipoona hivyo. "Lazima uwe na mtoa habari katika KIM International. Ni mtu huyo ambaye alivujisha data ya smartphone ya KIM International. Ili kumficha mtu huyo, uliongea maneno kwa Alvin na kumfanya aamini kuwa mimi ndiye niliyeisaliti KIM International. Kwa maneno mengine, ulitaka kuweka tofauti kati yangu na familia ya Kimaro.”
“Kama inavyotarajiwa kutoka kwa mwanangu, umekisia kwa usahihi. ”
Mason alitupa sigara yake. "Jack, umenivunja moyo sana wakati huu. Lakini, kwa kuwa wewe ni mwanangu, naweza kukupa nafasi nyingine. Nifuate na uifanyie kazi Campos Corporation kuanzia sasa na kuendelea.
Utapata sehemu yako ya Campos Corporation siku zijazo.”
"Hah, sahau. Si maneno yako mengi si ya kweli hata hivyo. Ingawa wewe ni baba yangu, lazima nikubali kwamba sijawahi kuona mtu mwenye damu mbaya kama hii, mtu mwenye roho mbaya kama wewe katika maisha haya. Mama amekufanyia mengi maisha yake yote, lakini wewe unayelala pembeni yake ndio umemuumiza sana. Sitawahi kukusamehe.” Jack alimtazama kwa jicho la dharau.
Mason aliposikia hivyo alicheka. Kicheko chake kilikuwa kimejaa kejeli.
“Ninahitaji msamaha wako? Jack, unajikisia kupita kiasi. Kwa kuwa hutaki kusimama kando yangu, unaweza kufanya chochote unachopenda. Wewe si mwanangu wa pekee.”
Baada ya kuongea alifungua mlango wa gari na kuingia ndani ya gari.
Gari ilianza kuondoka na dirisha likateremka taratibu. Mason alimtazama Jack kwa sura ya dharau. "Kwa bahati mbaya, hata ukikata uhusiano na mimi, familia ya Kimaro haitakutaka pia."
Gari liliondoka huku likiacha mkondo wa moshi utadhani ulikuwa ukimzomea Jack. Jack alikuwa katika hasira.
Katika usiku mmoja tu, alikuwa mtu ambaye alichukuliwa kama msaliti wa KIM International. Kila mtu katika familia ya Kimaro hawakumwamini, na baba yake alikuwa na mtoto wa kiume nje ya familia hiyo.
Ilionekana kana kwamba alikuwa amepoteza kila kitu.
Hah! Kwa uchungu akaanguka nyuma juu ya kitalu cha maua. Hakujua kwanini maisha yake yalikuwa hivi. Hapo awali, angalau alikuwa bwana mdogo wa pili wa familia ya Kimaro. Kuanzia siku hii na kuendelea, hakuwa kitu kabisa.
Mason aliendesha gari hadi lango kuu la Campos Corporation. Alipofika mlangoni, mtu akamwita.
"Mason."
Mason alitazama nyuma, na uso dhaifu wa Lea na wenye hasira ulionekana machoni pake. Lea alikuwa mrembo asiye na kifani huko Nairobi. Alikuwa binti wa thamani wa familia ya Kimaro, kwa hiyo kulikuwa na wanaume wengi ambao walikuwa wamejaribu kumfuata. Lakini, mfululizo wa matukio ya kushtua yalikuwa yamemfanya aonekane kama alikuwa mzee kwa miaka michache.
Kidokezo cha wazi cha dharau kiliangaza kwenye macho safi ya Mason. "Unafanya nini hapa?"
Lea alijikwaa. Kama asingeiona kwa macho yake, asingeamini kwamba mwanaume aliyekuwa akimpenda na kumbembeleza angeonyesha sura ya dharau kiasi hicho. Ni kana kwamba alikuwa anatazama kitu kichafu.
Lea, ambaye alikuwa na kiburi, hakuweza kupinga kupiga kelele, “Nilikuja hapa kukuuliza kwanini unatutendea hivi mimi na familia ya Kimaro? Je, ni wewe uliyeiba data za simu kwenye maabara ya KIM International?”
“Sijui unazungumzia nini.” Mason aligeuza kichwa chake na kuondoka.
“Simama hapo hapo!” Lea akamshika mkono. Ni kana kwamba alikuwa amepagawa. “Familia ya Kimaro imewahi kukutesa vipi? Ikiwa nisingekuwa mimi wakati huo— ”
"Nyamaza!" Mason hakuweza kuvumilia tena kumsikiliza, na akamtikisa.
Lea alipoteza mguu wake na akaanguka chini. Aliinua kichwa chake na kumtazama yule mtu jeuri, asiye na moyo. Kulikuwa na mwanga wa kukata tamaa katika macho yake.
Wakati huo, Lea alisikia mtu akiita kwa utamu, “Hubby…” Kisha, Mason akageuza kichwa chake. Alikuwa na sura ya upole usoni mwake.
Lea alitazama pia. Mwanamke mdogo, mrembo alitembea huku akiwa ameshika mkono wa mvulana mdogo wa miaka saba au minane. Mvulana huyo mdogo akakimbia na kujitupa kwenye kumbatio la Mason. “Baba…”
Lea alihisi kana kwamba kichwa chake kimepasuliwa na radi. Alimtazama yule mwanamke na mtoto kwa macho yaliyomtoka. Karibu hakuweza kupumua. Ikiwa hakukosea, mwanamke huyu alikuwa binti wa familia ya Halua, Joan Halua. Joan alikuwa karibu kabisa na Sarah. Lea aliwahi hata kukutana na Joanne mara chache kabla wakati wa hafla za kampuni huko Nairobi.
“Aunty Lea.” Joan akamtazama. “Samahani, mimi na Mason tumekuwa tukipendana kwa muda mrefu sasa. Huyu ni mtoto wetu.”
Lea karibu alitaka kutema damu kutokana na hasira. Maneno ya Joan yalikuwa kama kofi usoni mwake.
"Mason Campos, wewe b*star!" Hakuweza tena kuvumilia. Aliinua mkono wake kumpiga makofi uso wa kifahari wa Mason, lakini, alisukumwa chini na Mason kabla ya kumgusa.
"Lea Kimaro, nimekuvumilia kwa muda wa kutosha." Mason alimtazama bila huruma. “Hasira zako zimenitosha. Unataka nisikilize kila kitu unachosema. Kama si familia ya Kimaro iliyo nyuma yako, unafikiri ningekuvumilia kwa zaidi ya miaka 20?”
“Kwa hiyo ulikuwa unanitumia tu tangu mwanzo mpaka mwisho? Upendo wako kwangu ulikuwa bandia pia. ” Machozi ya kukata tamaa yalimtoka Lea.
"Ni nini kingine inaweza kuwa? Unadhani nigempenda mwanamke aliyeolewa tena kama wewe ambaye hata ana mtoto na mwanaume mwingine mchafu?” Maneno ya Mason yalikuwa makali kama visu. “Sasa kwa vile familia ya Kimaro inasambaratika, hunifai tena. Nitatafuta mtu wa kukutumia hati za talaka. Afadhali uzisaini mara moja.”
"Mshenzi wewe!" Damu ya Lea ilikuwa ikichemka kwa hasira. Macho yake mazuri yalikuwa wakiwaka moto wa chuki. "Baada ya kuitumia familia ya Kimaro, unataka kunifukuza na kumwachia njia mwanamke huyu, sivyo? Katika ndoto zako, Mason! Nitafichua rangi zako za kweli zenye kuchukiza kwa umma.”
“Fichua basi. Kwa sasa, Kampuni ya Campos ina haki ya kusambaza smartphone ya Landell Groups kote duniani.
Kampuni yoyote inayotaka simu hiyo itahitaji kushirikiana nasi. Ni kampuni gani itathubutu kuchapisha kashfa zangu?” Mason alidhihaki, “Lakini sina budi kukukumbusha hili. Unapaswa kuwajali wengine katika familia ya Kimaro kama vile Alvin, Spencer, na Valerie. Kuwapiga ni rahisi kama kumponda chungu.”
Lea alihisi baridi mwili mzima. Alikuwa akiwatumia watu wa familia yake kumtishia.
Je, alijihusisha vipi na pepo kama Mason katika maisha haya?
"Anti Lea, saini karatasi haraka iwezekanavyo. Siwezi kusubiri kukaa kwenye nafasi ya Madam Campos.” Joan alimtazama kwa unyonge na kuzunguka mkono wa Mason. Wakaingia kwenye jengo la Campos Corporation pamoja.
Lea akawatazama kwa nyuma.
Alihisi kama amekuwa mzaha kwa zaidi ya miaka 20.
Hapo awali, alidhani kwamba Mike Tikisa alikuwa akitamani utajiri wa familia ya Kimaro, kwa hivyo alifikiria kila njia ya kumtaliki.
Kwa miaka yote hiyo, alikuwa mkali na Alvin. Walakini, ikawa kwamba aliyetamani sana familia ya Kimaro alikuwa Mason mpole. Ilikuwa ya kusikitisha sana. Mwanaume huyo aliendelea kujinyenyekeza kwa huruma mbele yake. Alijigeuza kuwa msanii ambaye hakupendezwa na mambo ya kidunia na alipenda uchoraji na muziki. Iligeuka kuwa yote ni uwongo. Hata alikuwa na mtoto na mwanamke mwingine nje. Alikuwa mjinga. Alikuwa mjinga kweli.
Siku zote alidhani Alvin ni mjinga kwa kumpenda Sarah hapo awali. Lakini, kama mama yake, alikuwa mjinga zaidi yake.
Sura ya: 503
Katika kituo cha polisi.
Saa kumi na mbili asubuhi
, Chester alifika kituoni na wakili wake na kukutana na Joel na Kelvin. Joel alipomuona alisema kwa sauti nzito, “Chester, najua upo hapa kwa ajili ya kumdhamini Alvin, lakini nakukumbusha, haitakuwa rahisi kumtoa. Afadhali umshauri atuambie amemficha wapi Lisa.”
“Nitajitahidi niwezavyo, Anko Joel.”
Chester alipapasa uso wake na kumtazama Kelvin.
Hakuwahi kuwa karibu na Kelvin hapo awali, lakini alikuwa amesoma habari zake kwenye magazeti. Golden Corporation ilipanda kwa kasi katika miaka ya hivi majuzi na kuwa kampuni inayoongoza ya dawa kutokana na juhudi za Kelvin.
Alikuwa mpole na mtulivu alipohojiwa. Muda huo alikuwa amevalia suti nyeusi. Uso wake ulionekana kufunikwa na hasira. Chester alikuwa na hisia kwamba Kelvin hakuwa mtu rahisi. Hata hivyo, muda mfupi baadaye, Chester alitazama pembeni na kuingia ndani.
Dakika tano baadaye, Alvin aliletwa kwenye chumba cha mahojiano. Chester alikaa kinyume chake.Macho yao yakagongana, Chester akahema baada ya kuona macho ya Alvin yakiwa yana damu. "Alvin, unajua ni juhudi kiasi gani nilizotumia kabla kukutana nawe hapa?"
“Je! Familia ya Campos bado inaweka shinikizo kwangu?" Alvin aliuliza kwa sauti ya huzuni.
“Ndio, familia ya Campos imekuwa familia namba moja nchini, na hata mimi sithubutu tena kupingana nao uso kwa uso. Ilinibidi kutegemea miunganisho ya familia ya Shangwe kuweza kukutana nawe.” Sauti ya Chester ilikuwa ya kusikitisha sana. "Ikiwa huna ushirikiano na mimi, siwezi kukudhamini."
"Je, kushirikiana na wewe inamaanisha kwamba ni lazima nifichue mahali alipo Lisa?" Alvin alicheka kwa uchungu.
"Ulimwondoa Lisa mbele ya macho ya kila mtu. Kelvin, Joel, na wasimamizi wakuu wa Mawenzi Investiments hawajaweza kuwasiliana naye.” Chester akahema tena. "Kitendo chako kinaweza kuchukuliwa kama utekaji nyara. Hawakuwapigia simu polisi hapo awali, lakini familia ya Kimaro sasa ina matatizo ya ndani na nje. Sasa kwa vile Kelvin na Joel wameungana, hawakuogopi hata kidogo.”
Alvin akaminya midomo yake myembamba. Tayari alikuwa ametarajia mengi alipokuwa kisiwani. Ndiyo maana alimbusu Lisa kabla ya kuondoka. Aliogopa kwamba asingeweza kumbusu tena.
“Alvin, muache tu. Lisa ametoweka kwa mwezi mmoja. Huwezi kumficha maisha yake yote. Utakuwa unamdhuru kwa njia hiyo. Pia…
ulikaa na Lisa kwa mwezi mmoja baada ya kuolewa. Je, unafikiri kwamba uhusiano wake na Kelvin unaweza kurejea kama zamani?” Chester akatikisa kichwa. “Sisi sote ni wanaume. Huu utakuwa mwiba katika moyo wa Kelvin. Hata asiposema lolote, watu wa mitandaoni watamcheka.”
Macho ya Alvin yalipungua kidogo, na Chester mara moja akachukua nafasi ya kuendelea kuongea. "Lazima ufikirie kuhusu KIM International pia. KIM International iko katika hali mbaya sasa. Babu yako amepooza, Jack alifukuzwa kwenye kampuni, Willie akawa chizi, na mama yako anatalikiwa na Mason Campos. Kila kitu kinatakiwa kumtegemea Valerie na Spencer? Unapaswa kujua uwezo wao ulivyo."
“Sawa, nitasema.” Alvin alifumba macho na kukunja ngumi. Hatimaye aliongea kwa shida.
Chester akahema kwa raha. “Ni vizuri umeelewa. Maadamu Lisa yuko hai, unaweza kumrejesha, lakini unahitaji kuendelea kuijenga KIM International. Vinginevyo… hutaweza kupambana na Kelvin.”
Uso mzuri wa Alvin ulionekana kupotea.
Siku zote alikuwa akifikiri kwamba alikuwa mwerevu na kila kitu kilikuwa katika uwezo wake. Katika tukio hilo la uzinduzi wa smartphone, mafanikio yalikuwa wazi karibu na kona. Lakini, ghafla mambo yakaharibika kabisa bila kutegemea. Pia hakujua ni nini kilienda vibaya. Ilikuwa ni Jack? Je, hakupaswa kuwa na huruma na Jack wakati huo? Je, alipaswa kuachana na kampuni ya Campos kwa njia yoyote iwezekanavyo mara tu alipojua kwamba Mason hakuwa mtu rahisi?
•••
Kwenye kisiwa.
Alvin alikuwa hayupo kwa siku moja. Kwa mantiki hiyo, Lisa alipaswa kupata usingizi mzito kwani hakuhitaji kujifunga tena mikononi mwa mwanaume huyo usiku. Lakini, cha ajabu, aliendelea kuruka-ruka na kugeuka, hakuweza kulala. Alihisi kukosa utulivu kana kwamba kuna jambo baya lingetokea.
Alikumbuka macho ya Alvin wakati anaondoka jana yake usiku. Alionekana wa ajabu sana na kuondoka kwa haraka. Je! kulikuwa na kitu kilichotokea? Kwa nafasi yake, ni nani mwingine angeweza kumtishia?
Saa mbili asubuhi, aliketi katika chumba cha kulia chakula cha asubuhi. Mpishi alitengeneza vyakula vingi vizuri, lakini alipoteza hamu yake baada ya kuonja mara mbili tu.
Baada ya kiamsha kinywa, alitoka kwenda matembezini hadi saa sita mchana wakati helikopta iliporuka ghafla kwa mbali. Alidhani ni Alvin ndiye aliyerudi, lakini hakutarajia angerudi haraka kiasi kile. Hata hivyo, wakati helikopta hiyo ilipotua kwenye eneo lenye nyasi, Kelvin alishuka na kundi la watu.
Alikuwa amevaa shati jeupe, na lilipeperushwa kidogo na upepo mkali. Macho yake meusi yalipomwona, kila aina ya hisia ngumu ziliangaza ndani ya kilindi cha macho yake kabla ya kubadilishwa na furaha.
“Lisa, hatimaye nimekupata.” Akapiga hatua kuelekea kwake. Lisa alipigwa na butwaa. Alikuwa anaota?
Alipopelekwa hapo mara ya kwanza, alikuwa ameota kwamba Kelvin alimpata. Kisha, alikata tamaa. Hakutarajia Kelvin angempata tena.
Hata hivyo, kabla hajamsogelea, yule mfanyakazi wa nyumba alisimama mbele ya Lisa.
“Acha, huyu ni bibi yetu mdogo. Watu wa nje hawaruhusiwi kumkaribia.”
Mlinzi wa nyumba alimtazama Kelvin kwa kuonya.
“Bibi mdogo?”
Kelvin alikunja ngumi zake kwa nguvu aliposikia maneno hayo na kudhihaki, “Ni mke wangu. Ni bora uondoke njiani. Bwana wako, Alvin Kimaro, amekamatwa.”
Mlinzi wa nyumba alipigwa na butwaa. Kabla hajajibu, Kelvin tayari aliwaita watu wake ili kuwatiisha.
"Lisa, nilikukumbuka sana." Kelvin haraka akamsogelea Lisa na kumgusa usoni taratibu.
Hakuweza kulala kwa mwezi mzima. Kila siku, ilikuwa kama wadudu milioni moja walikuwa wakimtafuna, na aliweza tu kujitia ganzi kwa kunywa pombe. Hata hivyo, alionekana tofauti. Ngozi yake ilikuwa laini kuliko kawaida, na kulikuwa na mng’ao kwenye mashavu yake sasa. Lazima alikuwa akila na kuvaa vizuri.
Chuki kubwa ilienea kutoka kwenye kina cha moyo wa Kelvin. Wakati maisha yake yalikuwa mabaya zaidi kuliko kifo, alikuwa akiishi maisha ya kimungu na Alvin kwenye kisiwa hicho.
“Lisa, oh Lisa, unawezaje kuwa kigeugeu hivyo? Unawezaje kukosa aibu hivyo?"
Ni wazi alikuwa mke wake. Hata hivyo, Kelvin hakufichua lolote kati ya hayo. Alimshika tu mikononi mwake kwa nguvu.
Lisa alihisi kushangaa, lakini pia alikuwa na hatia. Alihisi kuwa alikuwa mchafu sana kwa Kelvin sasa. Hisia za huzuni sana zilimpanda, haswa alipokuwa ameshikwa naye vile.
“Kelvin, samahani…” Uso wake ulikuwa umejaa maumivu. “Ulipataje kufika hapa? Kweli, ulisema kwamba Alvin alikamatwa. Nini kimetokea?"
“Una wasiwasi naye?” Macho ya Kelvin yakawa makali huku akimtazama kwa makini.
"Hapana." Lisa alishtushwa na macho ya Kelvin. Hakuwahi kumuona akimtazama kwa macho kama hayo hapo awali.
"Samahani, nilikuogopesha." Kelvin aligundua kuwa alikuwa na hofu sana na mara moja akamkumbatia kwa nguvu tena, sauti yake ilijaa maumivu.
“Lisa, hata mimi sitaki kuwa hivi. Kwa mwezi uliopita, nimekuwa na wasiwasi na hofu sana juu yako. Nilichukia nafsi yangu isiyofaa. Nilimruhusu Alvin akuchukue, lakini nilichukia kuwa ulikuwa naye kila siku. Je, utaniacha ikiwa umempenda tena?”
Kadiri Lisa alivyozidi kusikiliza ndivyo alivyokuwa na hatia na kuumia moyoni zaidi. “Hapana, Kelvin, mimi ndiye ninayepaswa kuomba msamaha. Mimi…”
Akiwaza jinsi alivyokuwa akilala na Alvin kila siku siku hizi, hakutaka kitu zaidi ya kuchimba shimo na kutumbukia humo.
Alikuwa na aibu sana kumkabili Kelvin. Hata alikuwa amelala na Alvin usiku wa harusi yao. Kadiri alivyozidi kuwaza juu ya hilo, ndivyo uso wake ulivyobadilika. Hakuweza kuongea hata kidogo.
“Acha kuongea. Hebu tuondoke hapa. Baba yako pia ana wasiwasi sana juu yako.” Kelvin akamzungushia mkono wake na kuelekea kwenye helikopta......ITAENDELEA.....
Unafikiri nini kitafuata hapo, maana simulizi inazidi kuwa tamu kila siku lakini sina budi kuhitimisha kipande hiki ila niwasihi tukutane katika episode zijazo ili kujua nini kitafuata kwenye mkasa huu wa kusisimua na kuelimisha unaokwenda kwa jina la LISA..
