JINA LA SIMULIZI............................LISA

AUTHOR...........................JOMBA WAJO

SPONSORED BY......SIMULIZI ZA DULLY

WHATSAPP.........................0628924768

SEHEMU YA...............................112, 113


Sura ya 112


Lisa alimtazama kwa makini kwa muda. Hakukuwa na cha kufanya kwa jinsi alivyomuona mumewe, zaidi ya kwenda jikoni na kupika chakula ili ale.

Hans alitazama umbo la Lisa likipotea kabla ya kuendelea kuongea, “Baada ya siku chache, Willie Kimaro ataingia Dar. Watu hapa tayari yanajua kuhusu hilo. Nahofia itasababisha zogo.”

“Yeye ni kipande cha takataka tu. Mahali kama hapa tu ndio patamchukulia kama mtu mwenye nguvu,” Alvin alidhihaki.

"Unataka kupanga kukutana naye?" Hans aliuliza.

"Hapana. Bado hastahili.” Alvin akasimama. “Usiku umeenda sana. Rudi nyuma." Hans na Shani wote waliondoka.

Lisa alikuwa amevaa vazi la jikoni akiwa amezama kwenye mapishi akimpikia mumewe. Taa ya jikoni yenye joto iliangaza juu ya kichwa chake, na kumpa mumewe hamu ya kumshika. Akamsogelea na kumkumbatia kwa upole kwa nyuma, akaegemeza kidevu chake kichwani. “Ongeza zaidi. Chapati hizi hazitatosha kuniridhisha.”

"Ushukuru tu kwa kuwa ninakupikia." Lisa alisema kwa kujigamba. "Ikiwa unataka kula, basi katakata hiyo nyama ya nguruwe wewe mwenywe."

Alvin alionekana kusikia kitu kisichoaminika. “Unathubutu kuniagiza?”

Lisa alifikiria kabla ya kuchukua kadi kutoka mfukoni mwake na kumkabidhi.

"Hii ni nini?" Alvin aliuliza kwa mshangao.

"Kuna milioni 500 ndani yake. Ni ada ya kesi uliyonitetea hapo awali…” Lisa alikuwa bado hajamaliza kuongea akahisi hali ya hewa iliyomzunguka imebadilika ghafla. Macho ya Alvin yalionekana kufunikwa na unyonge, na kusababisha akose raha.

“Unamaanisha nini kwa hili?” Alvin aliishika kadi kwa vidole viwili na kudharau kwa macho yake. "Umekuwa mwenyekiti leoleo tayari umechota pesa zote hizi kwenye kampuni, si utafilisi kampuni wewe?"

"Wala," Lisa alijibu akitabasamu kwa kuridhika, "sema tu ni deni lililokuwa likininyima amani."

"Una pesa sasa, kwa hivyo unataka kufuta uhusiano wetu, si ndiyo?" Alvin aliuliza na kukaribia kuichana kadi hiyo vipande viwili. "Endelea kuota. Ulitia saini wewe mwenyewe karatasi. Haijalishi una nafasi gani, itabidi uendelee kukaa nami kwa utiifu.”

“Huwezi kunisubiri nimalizie…?” Lisa aliitazama ile kadi na kuikandamiza miguu yake kwa hasira. "Nataka kukulipa deni lako ili niishi na na wewe kwa usawa. Sitaki kuwa mtumishi wako. Nataka kuwa mpenzi wako kwa kila maana ya neno hilo.”

“Hiyo ina maana gani?” Alvin alikunja uso, alikuwa haelewi.

Lisa akashusha pumzi ndefu. “Siku zote nimekuwa nikijisikia kuwa duni kwa sababu tulisaini mkataba na ulinisaidia katika kesi hiyo. Mimi ni kama mpenzi wako na mtumishi wako, na daima ni lazima niwe mnyenyekevu mbele yako. Siwezi kukukosoa pia. Hali hii inanifanya nijihisi kama mtumishi wako tu. Nachukia hilo. Ikiwa tutaondoa hayo mashariti, ninatumaini kwamba tunaweza kuwa kama wanandoa wa kawaida.”

“Tangu lini nikakuchukulia kama mtumishi? Si ni wewe nduye umekuwa ukiniudhi mara nyingi zaidi?” Alvin alimkazia macho. Hakuweza kuelewa mawazo ya mwanamke huyo. “Unataka kunipa pesa ili usinipikie tena, sivyo?”

Lisa alikosa la kusema kabisa. “Hebu ngoja nuikueleweshe tena. Natumia hii milioni 500 kuvunja makubaliano ya awali ya mkataba wa ndoa. Nataka kuwa mpenzi wako rasmi. Nikitaka kupika, nitapika, na ikiwa sitaki kupika, sipiki. Nitakasirika ikiwa ninataka kukasirika, na nitapigana na wewe ikiwa ninataka kupigana. Nitafanya kila kitu kwa uhuru.”

Kifua cha Alvin kilitanuka kwa hasira. Alitaka kuitupa ile kadi moja kwa moja kwenye moto ili iwake. Lisa aliruka ghafla na kumbusu kwenye midomo. Akikumbatia shingo yake na kusema kwa umakini, “Alvilisa, sijui kama umewahi kuwa na mpenzi hapo awali, lakini hivi ndivyo wapenzi wa kawaida wanavyokuwa. Utakuwa pipa langu la takataka na sufuria yangu ya asali. Ninakupenda, kwa hiyo nataka kukupenda kwa usawa.”

Mdomo wa mwanamke ghafla ulikuwa mtamu kama asali. Hasira za Alvin zilikatika ghafla. Akimtazama usoni, alisita kabla ya kusema, “Makubaliano yanaweza kusambaratika, lakini usinipe pesa. Wewe ni mwanamke wangu. Ikiwa nitakushtaki kwa kesi hiyo, nawezaje kujiita mwanaume?"

“Lakini…”


"Nyamaza. Sema neno moja zaidi nami nitakufundisha somo.” Alvin akaendelea kumnyonya mdomo. Uso wa Lisa ukawa mwekundu mara moja huku akikanyakanyaga miguu yake. “Mhhhhh…Wewe mpuudhiii.”

“Vipi mimi ni mpuuzi? Wewe ndiye unayetaka tuwe kama wanandoa wa kawaida. Wanandoa wa kawaida wako hivi." Alvin alitabasamu vibaya.

Lisa alipigwa na butwaa na kumkodolea macho ghafla. “Unaonekana una ujuzi sana. Lazima uwe mzoefu sana. Nina hakika ulishawahi kuwa na wapenzi wengi sana kabla yangu.”

Uso mzuri wa Alvin ukakakamaa, na macho yake yakageukia pembeni. "Usifikirie ujinga. Nimekuwa na mpenzi mmoja tu." Alvin hakutarajia angekuwa na wivu kiasi hicho na alikuwa hana la kusema.

“Bado una hisia naye? Uso wako unapomtaja unachangamka.” Lisa alizungumza. Hali yake ya furaha ilipotea mara moja.

“Amekufa.” Alvin alikunja uso kwa huzuni.

Lisa aliganda, ghafla asijue la kusema. "Samahani."

“Acha kufukua makaburi. Hukuwa pia na Ethan Lowe hapo awali?” Alvin alikumbusha kwa huzuni.

Lisa hakuweza kusema chochote na akawasha jiko tena kwa utiifu. Alvin akairudisha kadi mfukoni mwake na kutoka nje. Ni baada ya kutoweka tu ndipo Lisa alikumbuka kuwa alimwomba akate nyama lakini hakufanya. Mjinga! Mlegevu! 

Baada ya chakula cha jioni, Lisa alimsumbua sana Alvin kuhusu kuvunja mkataba wao. Alvin hakuweza kumshinda Lisa kwa king’ang’anizi ikabidi tu kuuondoa.

"Unaweza kuvunja mkataba, lakini bado huwezi kuwasiliana na mtu yeyote kutoka jinsia tofauti kama Kelvin Mushi au Ethan Lowe. Lazima uje nyumbani kwa wakati pia. Huruhusiwi kuchelewa kutoka nje,” Alvin alikumbusha kwa utulivu, “Pia, huruhusiwi kuniacha.”

"Ndio, ndio, ninajua tayari. Wewe ni mzuri sana, naanzaje kukuacha? Kuna msingi imara wa upendo kati yetu sasa.” Maneno ya Lisa yalijaa mahaba. Lisa alichukua hatua ya kuketi kwenye mapaja yake na kumbusu. Hali ya Alvin ilikuwa taabani, na akatoa mkataba bila shuruti.

Lisa alichoma makubaliano hayo, na lile jiwe kubwa lililokuwa likimwelemea moyoni likaonekana kumshuka. Usiku mzima, alilala akiwa mwepesi sana. Alvin pia alihisi kuwa sasa yuko mchangamfu zaidi. Alipomwona hivyo, ghafla alihisi furaha hata yeye bila kujali kuwa makubaliano yao yalikuwa yamechomwa.

 

Sura ya 113


Siku mbili zilizofuata ambazo Lisa alienda ofisini kwake, hakuna kiongozi yeyote aliyekuja kumuona. Hakuna aliyeripoti chochote kuhusu kampuni hiyo kwake pia. Mambo mengi aliyojifunza yalitoka kinywani mwa Tunu. Hakuna mtu katika kampuni aliyeonekana kumchukulia kwa uzito kama mwenyekiti.

Saa sita mchana, alienda kwenye mgahawa kwa chakula cha mchana, lakini hata baada ya kungoja kwa dakika 20 kwenye chumba cha chakula, hakuna mtu aliyetoa chakula hicho. Tunu alienda kuongea na mhudumu wa mgahawa na kurudi akiwa mtupu baada ya dakika tano hivi huku akihema kwa hasira. “Wako pia hapa. Chakula ulichoagiza kimeishia kwenye chumba cha Jones na Meneja Mkuu Changala.

“Wapo chumba jirani?” Lisa alikodoa macho.

“Ndiyo,” Tunu alisema kwa hasira, “watu katika mgahawa wote wanawahudumia wao tu.”

Hali ya Lisa ilikuwa ngumu. Hakutarajia kwamba Jones alikuwa ameshinda hata wafanyakazi wa mgahawa. “Achana nao, sitakula hapa tena. Rudi ofisini na uagize usafiri.”

Lisa alisimama na kutoka nje. Kisha akamuona Lina akiwa amesimama kando ya mlango huku akionyesha dhihaka. "Mwenyekiti Lisa, inaonekana kwamba kuwa mwenyekiti sio jambo la kufurahisha. Ulikuja kwenye mgahawa kula lakini hakuna hata mtu mmoja hapa wa kukuhudumia, kwa hivyo lazima uagize take-out. Maskini wewe."

Lisa alimwangalia Shani. Bila kusema neno, Shani alinyanyuka na kumpiga Lina usoni, na kusababisha shavu lake kuvimba mara moja. Shani kisha akampiga kofi lingine upande wa pili wa uso wake, na kumfanya Lina ashindwe kusema lolote kutokana na maumivu hayo. Alimkazia macho Lisa lakini hakuthubutu kupiga hatua tena.

Lisa alitabasamu. "Naweza hata kumpiga baba yako Jones, sembuse wewe? Usipotazama maneno yako wakati ujao, nitakupiga hadi ujifunze somo lako.” Kisha, akamsukuma Lina pembeni na kuondoka huku akitabasamu. Lina alishika mashavu yake, chuki ikimchoma machoni.

'Lisa, ngoja tu uone. Nitakuua wewe mimi binafsi siku moja.' Lina aliishia kujiapiza mwenyewe kimoyomoyo.

Saa tisa alasiri Kwenye ghorofa ya 17 ya jengo hilo, mkutano ulikuwa ukiendelea bila uwepo wa Lisa. Meneja mkuu, Lazaro Changala, alikaa kwenye kichwa cha meza, akifuatiwa na wasimamizi wakuu wa Mawenzi Investiments.

Naibu Meneja Ngololo alisema, "Meneja Mkuu Changala, Mwenyekiti Lisa alichukua nafasi hiyo. Ni sawa kama tusipomwita kwa ajili ya mkutano wa kwanza wa mwanzo wa juma?”

"Unafikiri yeye ni nani?" Lazaro Changala alisema kwa dharau, “Yeye ni msichana mdogo tu asiyejua lolote. Sawa, tuanze mkutano. Meneja Lina Jones, je, kampuni ya mapambo ya mradi wa ukuzaji mali imekamilika?”

Lina alivaa barakoa kufunika uso wake huku akivumilia maumivu usoni mwake. "Bado. Bei zinazotolewa na kampuni za ujenzi ni kubwa mno. Ninafikiri kwamba tunaweza kuiomba timu yetu ya ujenzi ili kushughulikia sisi wenyewe. Hivi majuzi niliandaa muundo na kila mtu aanaweza kuona sasa." 

Kisha alitoa rundo nene la makaratasi yenye michoro ya miundo juu. Watendaji wote walimjaza sifa. "Miundo hii ni ya kibunifu sana. Ni ya hali ya juu na imechorwa kisomi, lakini sio ya anasa kupita kiasi. Ina mchanganyiko wa ladha nzuri sana."

“Umezibuni wewe mwenyewe, Meneja Jones? Unashangaza.” Lazaro Changala hakuamini. "Ni bora zaidi kuliko jumba lililojengwa katika mradi wa maendeleo uliopita."

Lina alijifanya kuwa mwenye kujua na kusema, “Karatasi ya makadiro ya gharama pia iko ndani. Nilifanya makadirio na ni gharama nafuu zaidi kuliko tukiajiri kampuni ya ujenzi kutoka nje.”

Lazaro alijawa na sifa. “Meneja Jones, umefanya kazi nzuri. Miundo hii lazima iwe imechukua muda wako na juhudi nyingi." 

"Sijalala kwa siku kadhaa, lakini nina furaha sana kuchangia kampuni." Lina alijisifia.

Kabla Lina hajamaliza, mlango wa chumba cha mkutano ulisukumwa. Lisa aliingia kutoka nje akiwa na watu wengine. "Kila mtu yuko kwenye mkutano? Mbona hakuna hata aliyenipa habari kuhusu tukio kubwa kama hili?” Lisa alifoka mbele ya meneja mkuu Lazaro Changala..


Lazaro hakubabaika. Uso wake ulikuwa unatabasamu kama kawaida, lakini macho yake yalikuwa ya dharau. “Mwenyekiti Jones, wewe ni mdogo sana kuliko mimi. Hata nikikwambia kuna vitu unaweza usivielewi kwa hiyo sikukupigia simu.” Baada ya kuongea, chumba cha mkutano kilikuwa kimya sana.

Kila mtu alingoja kutazama mchezo wa kuigiza ukiendelea wakati Lisa angekasirika, lakini uso wake mzuri ulionyesha tabasamu tulivu. “Meneja Mkuu Changala, nimesimama hapa kwa muda mrefu sasa. Kwa hiyo utaendelea na tabia hii hadi lini? Umeshindwa kujua ni nani anayesimamia kampuni baada ya kukaa kwa muda mrefu sana?” Alikuwa akicheka waziwazi, lakini hasira machoni mwake iling'aa sana. Mara moja Lazaro aliona aibu.

Lisa aliwageukia Shani na Tunu. "Inaonekana kama Meneja Mkuu Changala amejisahau kidogo. Tafadhali mkumbusheni maana ya heshima ni nini.” Kabla Lazaro hajajibu, aliburutwa chini na Shani kwa mkono mmoja. Alikasirika wakati akiburutwa akatoka akifoka kwa hasira.

 “Hebu tuendelee na mkutano. Mlikuwa mnazungumza nini?” Lisa alimkatisha na kutazama umati wa wafanyakazi.

"Tulikuwa tunazungumza juu ya muundo wa mradi wa maendeleo. Meneja Jones alikuja na miundo fulani. Meneja Mkuu Changala na sisi wengine tunahisi kuwa muundo uko vizuri sana.” Naibu Meneja Ngololo alikabidhi miundo kwa shida.

Moyo wa Lina ulidunda. Hakuwahi kufikiria kuwa Lisa angetokea. Lisa bila shaka angetambua miundo hiyo. Hata hivyo, haikujalisha. Hata kama Lisa angelisema kwamba Lina aliiba michoro yake, hakuna mtu angemwamini. Badala yake, ingechochea tu wafanyakazi kumdhihaki. Lisa alichukua miundo na kisha akamnong'oneza Shani maneno machache.

Baada ya Shani kutikisa kichwa na kutoka nje, Lisa aliendelea, "Miundo ni nzuri. Inaonekana ilichapishwa saa moja asubuhi ya leo. Meneja Jones, lazima umekesha hadi usiku sana ukitengeneza miundo hii.”

"Ndio, Meneja Jones alisema hakuwa amelala kwa siku kadhaa." Mtu mmoja alidakia.

"Meneja Jones anafanya kazi kwa bidii sana." Mwingine akaongezea sifa juu yake.

Chumba cha mkutano kilisikika kwa pongezi. Lina alijivunia sana. Alikuwa amechelewa kuzichapisha kwa makusudi.

"Mwenyekiti Jones, una maoni gani kuhusu miundo yangu?" Lina alijibaraguza kuuliza.

"Miundo ni mizuri sana. Lakini unafahamu kwamba nilipoteza rasimu ya muundo sawa na hii nusu mwezi uliopita.” Lisa aligeuza maneno yake ghafla.

Kila mtu alipigwa na butwaa, lakini Lina hakuwa na wasiwasi. Badala yake, alijifanya kupepesuka na kuziba mdomo wake. “Hauna maana ya kumaanisha kwamba nilikunakili, sivyo?”

"Mwenyekiti Jones, una wivu na talanta ya Meneja Jones?" Lazaro Changala alicheka kwa uchungu. “Kila mtu anajua kwamba nyinyi ndugu wawili hamwelewani, lakini hakuna haja ya kuhusisha kampuni katika marumbano yenu.”

Kwa muda, kila mtu alimtazama Lisa kwa dharau. Alikuwa mdogo sana kuwa mwenyekiti.

“Nilijua nyinyi hamtaniamini.” Lisa akashusha pumzi. “Kwa bahati nzuri, tayari nilitoa taarifa polisi siku kumi zilizopita. Data yangu ya asili ya muundo wakati huo imekabidhiwa kwa polisi pia. Wana rekodi ya kesi hiyo, kwa hivyo itakuwa wazi tutakapoiangalia."

Lina aliingiwa na hofu na haraka akajifanya analia. "Mimi ni meneja tu Mwenyekiti Jones, kwanini unifanyie hivi? Nilimaliza miundo muda mrefu uliopita na niliichapisha kwa kuchelewa.” Mwonekano wake mpole uliwafanya watendaji wengi wafikirie kuwa Lisa alikuwa akimlenga kimakusudi.

Lisa akatoa michoro na kuuliza, “Unasema kwamba ninakusingizia? Sawa. Kwa kuwa michoro hii iliundwa na wewe, unapaswa kujua aina na mwelekeo wa nyumba. Je, ina sakafu ngapi? Vitalu vingapi? Ni kubwa kiasi gani?" Lina alipigwa na butwaa na akajibu tu baada ya muda mrefu, "Kuna vitalu sita, na vinakaa kusini huku vinatazama kaskazini ...".....ITAENDELEA...


Unafikiri nini kitafuata hapo maana mambo ni moto mambo ni fire, lakini sina cha kusema nikuombe tuungane pamoja katika sehemu inayofuata ya mkasa huu wa kusisimua unaokwenda kwa jina la LISA.