AUTHOR...........................JOMBA WAJO
SPONSORED BY......SIMULIZI ZA DULLY
WHATSAPP...........................0628924768
SEHEMU YA................................634-635
Sura ya: 634
Lisa alipokuwa akisoma maoni ya wanamtandao, Alvin alimpigia simu. “Shuka. niko chini.”
Dakika kumi baadaye, aliingia kwenye gari la Alvin. Alvin alikuwa akigeuka na kumtazama huku na huko mara kwa mara.
"Je, unaweza kukaa kwa umakini wakati wa kuendesha gari? La sivyo, nitaogopa sana kuingia kwenye gari lako wakati mwingine,” Lisa alimkumbusha kwa mbwembwe.
Alvin mara moja akatazama mbele ya barabara kwa umakini. Lakini, macho yake hayakuwa yametulia kabisa. "Je, ni kweli kwamba nyumba ya Kelvin imejaa kamera za uchunguzi?"
“Mm.”
"Aliweka mpaka bafuni pia?" Alvin aliuliza ghafla.
"Hapana." Uso mzuri wa Lisa ulianguka. "Ndio maana uliendelea kunitazama sasa hivi?"
“Ahem. Anaweza kuwa na picha zako za utupu na akakutishia hizo picha.” Alvin aliendelea kujieleza kwa huzuni. “Kelvin ni mpotovu sana. Ulimshtukia lini? Uliwezaje kuendelea kuishi naye kwa muda mrefu hivyo?”
"Mara baada ya Ethan kufariki." Lisa alitazama nje ya dirisha.
Macho ya Alvin yalimtoka kwa huzuni. Alinyoosha mkono mmoja kumshika mkono na kuuminya taratibu. "Naweza kuchukua jukumu la kutafuta ushahidi. Sitaki uteseke sana.”
"Unaweza kuacha ... kunipapasa?" Lisa aliunyanyua mkono wake uliokuwa umeshikiliwa kwenye kiganja chake, macho yake yakionekana hoi.
“Lisa, usinielewe vibaya.” Alvin akapepesa macho bila hatia. "Niliogopa kuwa ulikuwa na baridi, kwa hivyo nilitaka tu kupasha moto mkono wako."
Tabia yake ya kutokuwa na aibu ilifanya pembe za mdomo wa Lisa kutetemeka. "Leo ni nyuzi joto 25."
“Hapana, kuna baridi la kugandisha. Ikiwa huniamini, ngoja tuone.” Alvin alipokuwa anaongea, akawasha kiyoyozi cha gari lake na kukiweka kwenye nyuzi joto 16.
Kwa kuwa lilikuwa gari zuri sana, kiyoyozi kilinguruma mara moja. Upepo wa baridi ulivuma juu yake, karibu kumsababishia ukungu. Lisa alimshangaa kabisa. Alizima kiyoyozi haraka kabla ya kumwangalia kwa ukali. “Acha utoto.”
Alvin alicheka, midomo yake myembamba ikikunja tabasamu tamu. Kulionekana kuwa na nyota zinazong'aa katika macho yake ya kina. Alitoa sura ya kuvutia, ya kupendeza ambayo inaweza kumfanya mtu kuyeyuka.
Moyo wa Lisa uliruka, na mara moja akatazama pembeni.Moyoni, alifikiria, 'Jamani. Kusema vya ukweli Alvin yunavutia.'
Ilikuwa ni mara ya kwanza kwa Lisa kuingia rasmi katika nyumba ya Kimaro. Nyumba hii inaweza isiwe bora na ya kifahari kama ile ya mwanzo iliyouzwa, lakini mimea katika ua ilipambwa kwa uzuri. Pia ilijawa na vicheko vya watoto, ambavyo viliifanya ionekane kuwa ya usawa.
Wakati Lisa anashuka kwenye gari, Suzie na Lucas walimkimbilia kwa furaha. “Mama, nimekukumbuka sana! ” Watoto wadogo wawili walimkumbatia na kujisugua kwenye mikono yake.
Lisa angevimba kwa furaha kama Alvin asingekuwa blanketi lenye unyevunyevu lililopita ghafla...
"Ninawakumbuka pia, wapenzi." Alvin aliwakumbatia wote watatu kwa nyuma huku akiegemeza kidevu chake juu ya kichwa cha Lisa.
"Alvin, unafanya nini?" Alikuwa amemkumbatia mbele ya watoto pale uani jambo ambalo lilimfanya uso wake kuwa na hasira.
Baada ya yote, waliachana. Pamoja na watu wengi katika kaya ya Kimaro, itakuwa aibu ikiwa mtu aliwaona kama hii.
“Je, hukusikia nilichosema hivi punde?” Alvin aliwakumbatia wale watoto huku mkono mmoja ukiwa mgongoni na kuuzungusha mkono wake mwingine kiunoni mwa Lisa. "Nilisema ninawakumbuka wapenzi wangu. Kwanini siwezi kukumbatia wapendwa wangu? Sio wewe pekee unayeweza kuwafanyia hivi.”
“Unaweza, lakini unatakiwa kusubiri hadi nimalizie kuwakumbatia kwanza. Unawakumbatia au... mimi?” Lisa alimuonya kwa sauti ya unyonge na ya kishindo.
"Ninawakumbatia ninyi watatu kwa sababu ninyi nyote ni wapenzi wangu." Alvin alitabasamu na kumbusu Lisakwenye paji la uso.
Lisa alishindwa cha kusema.
"Huna aibu." Lucas alieleza kilichokuwa kichwani mwa Lisa. "Unatumia tu faida ya Mama."
Suzie aliitikia kwa kichwa. “Baba mchafu, nini kimekupata? Je, wewe bado ni baba mkali, asiyejali, na mpumbavu ninayemjua?”
Lisa aliitikia kwa kichwa kwani ndicho alichotaka kusema pia.
“Nyie mnawaza mambo kupita kiasi. Kwa nini ninahitaji kuchukua faida ya mama yako? Nimemkumbatia kuanzia kichwani hadi miguuni,” Alvin alijibu kwa kujiamini.
Suzie na Lucas walipigwa na butwaa kwa maneno yake. Suzie akapepesa macho. "Mama, ina maana kwamba umerudiana na baba mchafu?"
Lisa alikosa la kusema. Kabla hajazungumza, sauti ya hasira ya Bibi Kimaro ilisikika. "Nini? nyie mmerudiana pamoja?"
Aunty Yasmine alitabasamu kutoka sikio hadi sikio. “Hiyo ni nzuri! Isingekuwa kutoelewana, nyie msingetengana hapo kwanza.”
Lea alihema kwa hisia tofauti. “Hiyo ni nzuri. Watoto wataweza kukua wakiwa na afya njema katika familia kamili.”
Mzee Kimaro, ambaye alikuwa ameketi kwenye kiti cha magurudumu, alitoa kikohozi kidogo. “Sasa nyie mmerudiana, msiachane kirahisi tena. ”
Lisa alikosa la kusema alipoona kundi kubwa la watu wa familia ya Kimaro wakiwa nyuma yake. Kilichomfanya ashindwe kusema zaidi ni pale Alvin aliposema kwa dhati, “Hakika nitamtendea vyema Lisa. Baada ya vikwazo vyote ambavyo tumepitia, Tayari nimetambua makosa yangu—”
Kabla hajamalizia sentensi yake, Lisa alimdaka kwa kukanyaga mguu wake kwa nguvu. “Nyie mmeelewa vibaya. Hatujarudiana. Niko hapa tu kuwatembelea watoto,” Lisa alieleza kwa upole.
“Ndio. Hatujafanya amani kati yetu, lakini sitakata tamaa.” Alvin aliitikia kwa kichwa huku akivumilia maumivu. "Lisa, unaweza kuinua mguu wako kwanza?"
Lisa alisogeza mguu wake bila kutoa sauti. Hata hivyo, wale waliokuwa na utambuzi wangeweza kujua kilichokuwa kikiendelea.
“Sawa. Ni sawa hata kama hamjafanya amani. Anastahili.” Bibi Kimaro alicheka na kusema, “Ingia tule pamoja. Watoto hawa huzungumza kila mara kuhusu jinsi wanavyokumiss.”
“Mama, twende ndani.” Lucas na Suzie walishikana na mikono ya Lisa kila upande. Lisa akaingia.
Kwa kweli, hakuwa na kinyongo dhidi ya wengine katika familia ya Kimaro.
Ingawa hapo awali alikuwa ameolewa na Alvin, Kimaros hawakukubali ndoa yao hapo awali. Ilikuwa tu baada ya kupata ujauzito ambapo Kimaros walichukua upande wake. Wakati huo, hata hivyo, Alvin alikataa kuwasikiliza wazazi wake hata kidogo.
Mara Lisa alipoingia ndani ya nyumba hiyo, aligundua kuwa kulikuwa na vitu vingi vya kuchezea watoto karibu. Hata aliona slaidi kwenye ua alipoingia muda si mrefu. Pamoja na nyumba kuwa ya kawaida, aliweza kutambua kwamba watoto walikuwa wakiishi vizuri hapo. Familia ya Kimaro iliwatendea vyema.
"Lisa, asante kwa kuzaa watoto hawa wapendwa," Bibi Kimaro alisema kutoka chini ya moyo wake, "Wametuletea furaha nyingi. Kwa sababu yao, sisi wawili hatuchoki tena.”
Mzee Kimaro aliitikia kwa kichwa. "Familia ya Kimaro ilikuwa na deni kubwa kwako hapo awali. Wewe ni mtu mzuri.”
“Babu, Bibi, yote yamepita,” Lisa alijibu kwa njia nyepesi.
Tabasamu murua lilitanda usoni mwa Lea. “Kwako, ni siku za nyuma. Lakini kwa baadhi ya watu... sivyo.” Akamtazama kwa mawazo Alvin aliyekuwa pembeni yake.
Lisa alijisikia vibaya. Kwa bahati nzuri, Lea hakufafanua zaidi. Alisema tu huku akihema, “Nimesikia kuhusu mambo kati yenu. Wewe ni mwerevu kuliko mimi. Uligundua hivi karibuni na una ushahidi wa kusalitiwa na Kelvin, tofauti na mimi...”
Sura ya: 635
Lisa alikuwa amesikia kuhusu mateso ya Lea. Alikuwa na bahati kwamba Ethan alijaribu kumuonya na Tracy kumjulisha kuhusu hilo. Vinginevyo, angeishia katika hali sawa na Lea.
"Mama, chora nasi, sawa?" Suzie alimkimbilia akiwa na penseli na kumsumbua.
Lisa mara moja alielekeza mawazo yake yote kwa watoto. Kwa sababu ya uwepo wake, watoto walikula kwa utii, ambayo ilikuwa tukio la nadra.
Baada ya kumaliza chakula chao, watoto walimvuta kucheza mpira wa miguu. Shughuli inaelekea mwisho, Lisa alikuwa ameishiwa nguvu, hivyo alimtazama tu Alvin akicheza nao pembeni.
Lea alienda kwa Lisa na kuwatazama wale watoto kwenye ua. Kwa tabasamu, alisema, “Ni muda umepita tangu watoto hawa wawili wawe na furaha hivi. Ingawa wanamwita Alvin ‘baba mchafu', walimkubali taratibu. Lucas naye pia.”
Lisa aliuma mdomo wake mwembamba. "Anti Lea, unajaribu kusema nini?"
"Natumai tu kwamba utampa Alvin nafasi." Lea aliongeza kwa uchungu, “Kama mama Alvin, kwa kiasi kikubwa ninahusika na kilichotokea kati yako na yeye. Nilipojenga familia nyingine wakati huo, sikumjali, jambo lililomfanya ajisikie mpweke na kukosa upendo. Sara alionekana sawa wakati alikuwa mnyonge na asiyejiweza, kwa hiyo alimtendea kama mwangaza wa mwanga maishani mwake. Lakini kama mimi, hakujua kwamba baadhi ya watu huenda wangemkaribia na ajenda iliyofichwa.”
Lisa alishtuka kwa muda. "Unamaanisha nini?"
“Niligundua kuwa Sarah alilazwa katika hospitali moja ya wagonjwa wa akili na Alvin mwezi mmoja baada ya Alvin kulazwa. Nilisikia ni kwa sababu aliumizwa na kifo cha mama yake, kwa hiyo alijitolea kukaa pale kwa matibabu. Miongoni mwa watoto wote katika hospitali ya magonjwa ya akili, alipendezwa na Alvin na alicheza na yeye tu...”
Lisa alipigwa na butwaa. “Unasema Sarah alishajua Alvin ni nani na aliingia kwa makusudi katika hospitali hiyo ili kumsogelea? Hii inawezaje kuwa? Bado alikuwa mtoto mdogo wakati huo ... "
Lea akatikisa kichwa. “Wakati huo, familia ya Njau haikuweza kuwa na wasiwasi kuhusu Sarah. Pia, kulikuwa na Charity katika familia hiyo, kwa hiyo alihitaji kutafuta msaada wenye nguvu. Kwa hivyo, alifikiria ajaribu kumshikilia Alvin. Ingawa alikuwa mgonjwa wa akili, bado alikuwa bwana mdogo wa familia ya Kimaro. Mustakabali wake haukuwa na kikomo. Ukweli leo umethibitisha kwamba Sarah alichukua nafasi hiyo.”
Lisa alinyamaza kwa muda kabla hajauliza, “Lakini Sarah aligunduaje kuwa Alvin alikuwa katika hospitali hiyo ya wagonjwa wa akili? Ugonjwa wa Alvin ulikuwa siri wakati huo.”
“Nilisahau kukuambia kwamba Aunty yake Sarah alifanya kazi kama meneja wa ofisi ya hospitali ya magonjwa ya akili kwa mwaka mmoja.
Baadaye, alihamishwa, " Lea alijibu huku macho yake yakiwa kwa Lisa.
Kwa muda mrefu, Lisa hakusema neno. Sarah tayari alikuwa na mawazo hayo alipokuwa bado mdogo sana. Alikuwa mtu wa hila gani.
"Alvin anajua kuhusu hilo?"
Lea akatikisa kichwa. "Hapana. Tayari anamchukia sana Sarah. Wacha tu. Sitaki ajue kuwa Sarah amekuwa akipanga njama dhidi yake kwa zaidi ya miaka 20.”
Lisa alishindwa cha kusema. Iwapo angekuwa katika viatu vya Alvin, alihisi kwamba angelipuka kwa hasira baada ya ukweli kumdhihirikia.
"Kama ningempatia familia kamili, asingeweza kudhulumiwa." Lea alimtazama ghafla. “Kama Kelvin na ndoa yako. Ingawa Lucas na Suzie walikupa baraka zao, walikataa kukaa na wewe. Wanaweza kuwa wachanga, lakini wanajua hiyo ni nyumba yako, si yao.”
Kwa namna fulani, moyo wa Lisa ulikunjamana na uso wake ukapauka kidogo. Lea aliendelea, “Nimezungumza na Suzie. Kwa kweli aliogopa kwamba ungekuwa na mimba ya mtoto wa Kelvin usingempenda yeye na Lucas kama vile unavyofanya sasa. Lakini hawakutaka kukujulisha kuhusu hilo kwa kuhofia kwamba usingefurahi.”
“Alvin si mtu mzuri ndiyo. Kwa kuzingatia kwamba amekufanyia mambo mengi mabaya, ni kawaida tu kwamba hatarajii kupata msamaha wako. Baada ya kusema hivyo, nyie tayari mnajuana vizuri. Ikiwa unatafuta mpenzi mwingine katika siku zijazo, unaweza kuwa na uhakika kwamba nyinyi mtafahamiana vyema. Una uhakika kwamba wanaume wengine hawatakuwa kama Kelvin?”
”Bibi, Mama, nimefunga bao. Umeona?" Ghafla, Suzie akawakimbilia huku akiwa na furaha.
Lisa aliitikia kwa kichwa na kumsifia Suzie, “Nimeona. Umefanya vizuri, Suzie.”
"Mama, njoo ucheze nasi." Suzie alimkokota Lisa kuelekea kwenye nyasi.
Mwishowe, watoto hao wawili walikuwa wamelowa jasho. Kwa hayo, Lisa alibaki pale kuwaogesha watoto. Suzie na Lucas walifurahi sana, labda kwa sababu ilikuwa ni muda mrefu tangu Lisa akae nao. Walicheza huku na huko na hata kupigana na maji kwenye bafu. Lisa alikuwa amelowa kwenye ngozi.
“Acha kufanya kelele!” Lisa aliendelea kupiga kelele, lakini watoto hawakumsikiliza.
Alvin aliingia baada ya kusikia kelele. “Ni nini kinaendelea? Mbona nyie mnapiga kelele sana?” Alvin alifungua mlango na kuwaona Suzie na Lucas wakicheza kwenye beseni.
Lisa alisimama pembeni akiwa na taulo mkononi. Mwili wake na nywele zote zilikuwa zimelowa. Kwa bahati mbaya, alikuwa amevaa mavazi ya kubana siku hiyo. Sasa kwa vile alikuwa amelowa, vazi hilo lilishikamana na ngozi ambapo nguo zake za ndani zilionekana.
Baada ya Alvin kumwangalia, hakuweza kuyakwepesha macho yake. Kulikuwa na moto katika macho yake juu ya kumuona kama hivyo. Alikuwa amemjua kwa miaka kadhaa. Alipokutana naye miaka minne iliyopita, alikuwa bado mdogo na mrembo. Baada ya kuzaa watoto, mikunjo yake ilionekana kuwa ya ajabu zaidi na alitoa hali ya uanamke. Uzuri wake, pamoja na mashavu yake yaliyonenepa na nywele nyeusi, ilikuwa karamu kwa macho.
"Unaangalia nini?" Alipoona macho yake yakiwa yanawaka moto, Lisa alihisi uso wake ukiwa na joto. Bila fahamu alijifunika kifua chake kwa mikono yake na kumkazia macho. “Ondoka nje.”
Midomo myembamba ya Alvin ilitetemeka. Alipotaka kuongea, ghafla alimwagiwa maji usoni.
“Jihadharini. ” Lucas aliinua bunduki yake ya maji. Kisha, aliinua uso wake na kumtazama Alvin kwa uchochezi. "Hauruhusiwi kumwangalia Mama hivyo."
Lisa na Alvin wote walikuwa hoi. Alvin alijifuta maji usoni mwake na kusema kwa uchungu, “Hujui chochote, bwege wewe. Nilishangazwa tu na uzuri wa mama yako.”
"Hapana. Macho yako yalikuwa sawa na jinsi mbwa anavyotazama mfupa.” Lucas alimuweka wazi bila huruma. "Godmother wangu alisema hivyo ndivyo mwanaume anavyomtazama mwanamke kwa matamanio."
Alvin aliona aibu baada ya mtoto wake kumjibu kwa jeuri. Lisa alicheka na kumsifu Lucas huku akimgusa kichwa, “Lucas, una akili sana.”
“Lisa...unamfundisha nini mtoto?” Alvin alifoka, sauti yake ikijaa kutoridhika na manung’uniko.
Lisa alishtuka, huku Suzie akimtania, “baba mchafu, unamkaripia mama? Unachukiza. ”
Akiwa ameumizwa na maneno mengine ya kikatili, Alvin alikosa la kusema.
Moyo wake ulikaribia kuvunjika vipande vipande.
“Ondoka nje.” Lisa alimfukuza kwa dharau.
“Nyinyi wawili mwache kucheza sasa. Umemwagia mama yako maji, na anaweza kupata homa,” Alvin aliwakumbusha watoto kabla ya kuondoka bila kupenda......ITAENDELEA.....
Unafikiri nini kitafuata hapo, maana simulizi inazidi kuwa tamu kila siku lakini sina budi kuhitimisha kipande hiki ila niwasihi tukutane katika episode zijazo ili kujua nini kitafuata kwenye mkasa huu wa kusisimua na kuelimisha unaokwenda kwa jina la LISA...
