AUTHOR...........................JOMBA WAJO
SPONSORED BY......SIMULIZI ZA DULLY
WHATSAPP...........................0628924768
SEHEMU YA................................526-527
Sura ya: 526
Alvin alishtuka. Hiyo ilikuwa kweli. Alikuwa amesahau mambo mengi sana. Hata hivyo, katika ubongo wake, kumbukumbu alizokuwa nazo za Lisa siku za nyuma bado zilikuwa mstari kamili, kana kwamba hakuwahi kusahau chochote.
Umbo lake refu lilianza kutetemeka. “Profesa Aurelius, mimi… Nilipataje kuwa hivi? Je, ni kwa sababu ya ugonjwa wangu?”
"Hali ya aina hii haitatokana na ugonjwa wako. ” Profesa Aurelius alitikisa kichwa na kunywa kahawa. "Labda safu moja kwa moja ya kumbukumbu uliyofikiria haijakamilika. Kwa maneno mengine, kuna mtu alikuchorea mstari ulionyooka. Je! unajua kuhusu roboti? Kwenye ubongo wa roboti, unaweza kufuta programu na ufungue maagizo unayotaka, kama vile unapaswa kumtii nani na na nani unapaswa kumpenda.”
Alvin alipigwa na butwaa. Uso wake mzuri uliopauka. Kuna mtu alikuwa amefuta programu kwenye ubongo wake? Akaachia kicheko kikavu. "Hii haiwezekani, Profesa Aurelius. Mimi sio roboti…”
Profesa Aurelius aliweka uso ulionyooka. "Hapana, sijasema kuwa wewe ni roboti, ina dalili zinaonyesha kuwa akili yako imepangwa, imesetiwa kukumbuka mambo mabaya tu ya mke wa zamani na kusahau mambo yake mazuri.”
“Hii inawezekanaje?” Alvin alikuwa amepotea kimawazo.
“Nijuavyo, nchi ya Ugiriki ya kale ilikuwa nna ujuzi wa zamani wa ‘hypnotic suggestion’ ambao huweza kupanga upya akili ya mtu. Ustadi huu wa hypnotic unaweza kuharibu hisia na kumbukumbu za mtu. Inaweza hata kutotambuliwa na mtu anayehusika."
Ubongo wa Alvin ulivuma. Hypnosis? Kuna mtu alikuwa amebadilisha kumbukumbu na hisia zake kwa hypnosis? “Unamaanisha kuwa mtu niliyempenda huenda alikuwa mke wangu, lakini mtu fulani alinibadilisha na kunifanya nimpende mwanamke mwingine?”
“Hii ni dhana yangu tu. Siwezi kuthibitisha hilo,” Profesa Aurelius alisema, “lakini dalili ulizotaja ni sawa na kuwa chini ya ushawishi wa ujuzi wa kale wa wa ‘hypnotic suggestion’, au ‘hypnotic mind contro’. Si hivyo tu, mtu aliyekufanyia hypnosis anapaswa kuwa mtu unayemwamini sana, na mwenye ujuzi mkubwa wa taaluma hii haramu. La sivyo, mtu huyo asingefaulu. Wakati huo huo, mtu huyu lazima awe na ujuzi mkubwa katika uwanja wa saikolojia.”
Mtu ambaye alimwamini sana? Alvin alimfikiria Sarah. Alikuwa mtu ambaye alimwamini zaidi, kiasi kwamba aliamini chochote atakachosema. Zaidi ya hayo, Sarah alikuwa mmoja wa watu bora zaidi linapokuja suala la ujuzi wake katika matibabu ya kisaikolojia.
Lakini, kwa mawazo kwamba ni yeye ndiye aliyebadilisha kumbukumbu zake, hakuweza kujizuia kutetemeka.
Hakuthubutu kuamini pia. Je, mwanamke safi aliyemuunga mkono na kumtia moyo katika hospitali ya magonjwa ya akili alipokuwa mdogo angekuwa mwovu na mkatili kiasi hicho?
"Profesa Aurelius, unajua jinsi ya kutumia ujuzi huu wa hypnotic?" Alvin aliuliza kwa mshangao.
“Sijui.” Profesa Aurelius akatikisa kichwa. "Ustadi huu wa zamani wa hypnotic ni mbaya sana. Shirika la kimataifa lilipiga marufuku muda mrefu uliopita matumizi ya taaluma hii. Lakini kwa sababu ni ujuzi ambao unapatikana hadharani, bado watu wasio na maadili wanaweza kujifunza na kuutumia. Fikiria juu yake, ikiwa kila mtu angejua jinsi ya kufanya, je, ulimwengu huu usingeanguka katika machafuko? Mbali na hilo, kiwango cha mafanikio ya hiyo hypnosis kiko chini sana. Inahitajika kwanza mtu ajenge kiwango kikubwa cha kuaminiwa na mtu anayetaka kumfanyia hivyo. Ni mtu mmoja tu kati ya kumi angefaulu zaidi. Wale tisa waliosalia wangeharibiwa kiakili kutokana na kushindwa."
Alvin alishtuka tena. Je, inamaanisha kwamba ikiwa ningelazwa na mtu fulani na ikashindikana wakati huo, ningeharibika akili?”
“Ndiyo. Ndiyo maana ujuzi huu wa kale wa hypnotic umepotea kwa muda mrefu. Karibu miaka 50 au 60 iliyopita, kulikuwa na mtu ambaye alijaribu kumlaghai bilionea. Mwishowe, bilionea huyo akawa taahira, na familia yake ikamkamata mwanasaikolojia huyo na kumpiga risasi na kumuua.”
Profesa Aurelius alifikiria juu yake na kusema, “Mbali na hilo, hata ukigundua kuwa umefanyiwa kitu hicho, usijaribu kujiponya au kurudisha kumbukumbu zako za asili. Muundo wa ubongo ni mgumu sana. Uwezekano wa wewe kuponywa ni asilimia 0.01 tu. Ikishindikana, sio tu kwamba hautaishia kuwa mtu wa kawaida tu, bali hata utakuwa na utindio wa akili.”
Alvin alipigwa na butwaa kwa muda mrefu. Hapo awali alitaka kurejesha kumbukumbu zake, lakini sasa alikatishwa tamaa.
“Hiyo ni ... mbaya sana." Mikono ya Alvin iliyokuwa imeegemea magotini ilitetemeka.
"Ndio, ni mbaya sana." Profesa Aurelius alitikisa kichwa. Kisha, akamtazama Alvin kwa shida. “Ikiwa kuna mtu unayemshuku, kaa mbali na mtu huyo. Bila shaka, ninatumai kwa dhati kuwa hukulazwa. Labda haya yote ni maluweluwe yako tu."
"Asante." Alvin alisimama na kuaga.
Baada ya kuondoka mahali pa Profesa Aurelius, Alvin hakuendesha gari. Alizunguka tu ndani ya chuo kikuu kimya kimya. Miguu yake mirefu ilikuwa ikitetemeka. Si hivyo tu, bali akili yake ilikuwa tupu. Yeye, pia, alitumaini kwamba kila kitu kilikuwa tu mawazo yake.
Je, Sara alimlaza akili ingawa alijua kwamba huenda zoezi lingeshindikana na yeye akawa mbumbumbu? Hilo lilikuwa haliwezekani. Haikuwa na maana kwa Sara kuwa katili kiasi hicho.
Hata hivyo, vipi ikiwa ni kweli? Nywele zake zilisimama alipofikiria kuhusu tabia ya Sara ya upole, fadhili na moyo mkuu katika miaka hiyo mitatu.
Hapana. Ilibidi apate ukweli kabisa. Hata kama hakukumbuka, ilibidi ajue ni wapi hasa kumbukumbu zake zilikwamia.
Kwa hivyo, mara moja alinunua tikiti ya ndege kwenda Dar es Salaa. Hakumwambia mtu yeyote jambo hilo kwa sababu ikiwa Sara, ambaye alikuwa amemwamini kwa zaidi ya miaka kumi, alimshuku sana, basi je, wale wengine?
Ndege ilipotua kwenye Uwanja wa Ndege wa JNIA, Lea alimpigia simu Alvin. "Leo unakuja saa ngapi kwenye kampuni?"
“Niko Dar es Salaam sasa hivi.”
"Nini?" Lea akaruka kutoka kwenye kiti. “Si nilikuambia jana uje kukutana na mkurugenzi wa Garson Inc leo? Sasa kila mtu hapa Nairobi anataka kushirikiana na Garson Inc. Lakini wewe? Ulienda Dar bila kusema neno lolote. Unajaribu kufanya nini?”
"Nina jambo muhimu la kutatua," Alvin alisema kwa sauti ya chini.
"Inaweza kuwa muhimu kiasi gani? Je! ni muhimu zaidi kuliko kampuni ya KIM?" Lea alikasirika.
“Ndiyo. Ni muhimu sana,” Alvin alirudia.
Lea alishindwa cha kumwambia. “Sijali. Rudi haraka iwezekanavyo baada ya kumaliza. Je, umesahau? Mara ya mwisho uliponiuliza kusimamia KIM International, nimekuwa na shughuli nyingi kama nyuki kila siku. Unataka nife kwa kufanya kazi kupita kiasi?"
“Sawa.” Alvin akakata simu.
Baada ya kutoka uwanja wa ndege, alikwenda moja kwa moja kwa Jennings Solicitors. Mhudumu wa mapokezi alifikiri kwanza Alvin alikuja kwa mashauriano ya kisheria. Hata hivyo, baada ya kusikia anataka kukutana na Sam, mhudumu wa mapokezi alimpeleka ofisini kwa Sam mara moja.
“Twende tucheze muziki usiku huu…” Sam, ambaye alikuwa ameketi kwenye sofa la ngozi akizungumza na simu, aligeuza mwili wake. Alipoona umbo kubwa likipita mlangoni kwa ghafla, alisimama kwa mshangao na kuhitimisha simu hiyo kwa haraka.
“F*ck, Alvin. Wewe… Kwa nini uko hapa?” Sam alimpandisha juu na kumsusha chini. Alvin aliyekuwa mbele yake alikuwa amevalia suruali ya jeans ya bluu na fulana nyeusi. Nywele zake zilitulia kwenye uso wake uliokuwa umejeruhiwa sana. Alifanana kabisa na kijana asiye na uhai.
Uso wa Sam karibu udondoke kwa mshtuko. “Mabadiliko yako ni makubwa sana.”
"Hapo zamani nilipoishi katika jumba la kifahari huko Dar es Salaam, nakumbuka ulinipatia mfanyakazi wa nyumbani anayeitwa Linda. Je, unaweza kuwasiliana naye? Nina mambo fulani nataka kumuuliza.” Alvin akaenda moja kwa moja kwenye point.
Sura ya: 527
“Unataka kumtafuta? Imekuwa muda mrefu sana. Subiri kidogo."
Sam alipiga simu kwa wakala wa nyumba na kuangalia kwa muda kabla ya kumfikia Aunty Linda. "Aunty Linda anafanya kazi kama yaya katika jumba hili la kifahari."
Sam alimpa anwani. “Nitakupeleka huko.”
"Hakuna haja." Alvin alichukua anwani. "Asante."
“Usiseme, sijakuzoea kufanya hivi.” Sam akamrushia funguo za gari. “Unaweza kuliendesha gari langu. Tutakula pamoja chakula cha jioni baadaye.”
“Hiyo ni nadra sana kwako siku hizi.” Alvin akamtazama. "Ni nadra sana kuwasiliana nasi watatu siku hizi. Je, umekuja Nairobi mara ngapi na hukutualika nje kwa mlo? Unajisikia vizuri kukaa Dar peke yako.”
Kwa sababu fulani, ghafla alimwonea wivu Sam. Ingawa Dar es Salaam kulikuwa na biashara zake nyingi pia, Sam kimsingi ndiye alikuwa bwana mkubwa hapa. Maisha ya hapa hayakuwa ya ushndani sana kama Nairobi.
Sam alitabasamu vibaya. “Sikuwa na nia ya kupoteza mawasiliano na nyie, lakini ninyi watatu kila mara mliwaleta Cindy na Sarah. Kwa kweli sikuwapenda. Nilihisi kama…” Alifunga mdomo wake ghafla. "Sahau."
“Sema,” Alvin aliamuru kwa ukali. Hata kama alikuwa amevaa kawaida sana sasa, sura machoni mwake bado ilikuwa kali. "Sam, tumekuwa marafiki kwa zaidi ya miaka kumi. Baadhi ya mambo ni bora kusemwa wazi.”
“Sawa. Nilihisi tu… nilihisi kama wewe ni mkorofi kwa Lisa. Mimi pia simfahamu Sarah, kwa hivyo labda sikuzoea kumuona Sarah akichukua nafasi ya Lisa, ambaye ulikuwa unaambatana naye kila wakati nilipokuwa karibu. Pia, sikuelewa kwanini Chester aliungana na Cindy. Yeye si mwanamke mzuri hata kidogo. Kwa upande wa Rodney, macho yake yalikuwa kwa Sarah. Angeweza kusikiliza chochote alichosema. Ilikuwa kama ubongo wake ulikuwa umechanganyikiwa na upendo, na hiyo ilikuwa sawa pia. Lakini sikufurahishwa na wewe kuwaleta kwenye mikusanyiko yetu yote. Ndio maana niliamua kuwaacha wenyewe." Sam alisema kwa unyoofu, “Mara nyingi mimi niliona ni vigumu kuzungumza nanyi tukaelewana, hasa katika miaka ya hivi karibuni.”
Alvin alikuwa kimya. Kwa kweli, pia alikuwa amegundua kwamba Sam hakuwapenda Sarah na Cindy. Hata hivyo, wakati huo alimchukia sana Lisa, hivyo akafumbia macho. Baada ya yote, ilikuwa kawaida kwa marafiki wazuri kutengana.
"Je, nilimpenda Lisa sana hapo awali?" Aliuliza kawaida ghafla.
“Nilikuwa nikifikiri kwamba unampenda sana, kwa hiyo sikuelewa kwanini ulifanya yote hayo baadaye. Labda alikuwa burudani tu kwako wakati Sarah hayupo.” Midomo ya Sam ilitetemeka.
"Ndio hivyo? Niambie, ni nini kilikufanya ufikiri kuwa ninampenda?" Alvin aliuliza bila kujieleza.
Sam alimtazama na kusema. “Kama ulikuwa humpendi, kwanini ulimpa Mkufu wa Malkia? Mkufu huo wa almasi ulikuwa na thamani ya mabilioni. Ikiwa hakumpenda, kwanini ulijinyima usingizi na kukimbia usiku kucha ili kumwokoa wakati uligundua kuwa alikuwa amefungwa kwenye makazi ya mzee Jones? Pia, jiwe lilipoanguka kutoka kwa jengo kwenye ujenzi, uliishia kuumiza mgongo wako ili kumwokoa. Ulikaribia kupoteza maisha wakati huo. Kisha, kulikuwa na wakati ambapo ulikula hotpot naye. Unawezaje kula hotpot na hilo tumbo lako? Maumivu ya tumbo uliyoyapata yalikuwa makali sana…”
Baada ya kusema hayo, Sam alisimama ghafla. “Sahau. Haijalishi ulimpenda kiasi gani, haiwezi kulinganishwa na Sarah.”
"Nani alisema haiwezi?" Alvin alitabasamu ghafla, lakini kulikuwa na huzuni isiyoelezeka katika tabasamu lile.
“Huh?” Sam alichanganyikiwa kidogo.
"Nitakuita tupate kinywaji baadaye." Alvin alichukua funguo ya gari na kugeuka.
Alipoingia ndani ya gari, aligundua kuwa macho yake yalikuwa mekundu kidogo. Hakuwa na kumbukumbu ya alichokisema Sam. Hata hivyo, alijua kwamba kwa kuwa Sam angeweza kujibu haraka swali lake la ghafla, ilimaanisha kwamba haukuwa uongo. Hayo ni mambo ambayo yaliwahi kutokea kati ya Lisa na yeye.
Ingekuwa kawaida kusahau jambo moja au mawili, lakini ilikuwa ajabu kwamba Alvin alikuwa amesahau uthibitisho wote kwamba anamjali Lisa.
Hakuweza kufikiria kwamba alikuwa karibu kufa akijaribu kumwokoa mara moja. Aliongozana hata kula chungu cha kihindi chenye pilipili nyingi na kuumwa na tumbo. Hakuwahi kula hotpot hapo awali. Je, Lisa alikuwa wa pekee kwake? Alitaka kujua haraka, lakini aliogopa ghafla. Aliogopa kwamba Lisa na yeye walikuwa wanapenda sana, lakini kwa kuwa kumbukumbu yake iliharibiwa, baadaye alimwacha na kuwaumiza watoto wao. Aliogopa kwamba alikuwa amemuumiza zaidi kuliko vile alivyofikiria.
Alikaa kwenye gari kwa muda wa nusu saa kabla ya kwenda kumuona Aunty Linda.
Baada ya Aunty Linda kuitikia simu yake, harakaharaka akatoka akiwa ameshika kijitabu kizee. Alipomwona Alvin, aliita kwa utulivu, "Bwana Kimaro..."
"Anti Linda, bado unanikumbuka." Alvin alimtazama Aunty Linda na kukuta bado anamkumbuka.
“Bila shaka. Nimekuwa yaya kwa miaka mingi sana, lakini Bi. Jones na wewe mliacha hisia kubwa zaidi kwangu…” Alinyamaza ghafla kwa hatia kwa muda kabla ya kusema, “Je,… nilikukera kwa kumtaja mke wako wa zamani?”
"Hapana." Alvin alijaribu kupuuza maumivu moyoni mwake.
Aunty Linda aliuliza kwa wasiwasi, “Mbona umekuja kuniona ghafla?”
"Niliugua ugonjwa miaka michache iliyopita na nikapoteza kumbukumbu nyingi za maisha yangu ya zamani ya huku Dar es Salaam, kwa hivyo nilitaka kukuuliza. kuhusu hilo.” Alvin alipata ujasiri na kusema, “Je, unaweza kuniambia mambo fulani kuhusu mimi na Lisa?”
Aunty Linda aliposikia hivyo alionekana kushtuka na kutia huruma. “Naona. Kwa kweli, sina uhakika sana kuhusu mambo mahususi kati ya Bi Jones na wewe. Mimi ni yaya tu, kwa hivyo ninaweza tu kuzungumza juu ya kile ninachoona kawaida. Hata hivyo, Bi. Jones na wewe mlikuwa kama wanandoa wenye kinyongo. Mlipoelewana, mlielewana sana, lakini mlipokorofishana, mara nyingi nyinyi wawili mligombana na kufukuzana.”
"Unamaanisha nini?" Macho ya Alvin yalipungua na hawakuweza kujizuia kumeza mate kwa shida.
“Wakati nyote wawili mlikuwa katika hali nzuri, Bi. Jones alikuwa akikupikia kiamsha kinywa kila siku. Wakati mwingine, aliporudi mapema kwa sababu alikuwa huru, alikuwa akikupikia chakula cha jioni. Upikaji wangu haukuwa mbaya, lakini haukupenda chakula changu. Ulipenda tu Bi.
Jones akupikie. Mliposhindwa kuelewana, nyinyi wawili mngerumbana, na mngetoweka kwa siku chache bila habari yoyote. Lakini mliporudiana, mlielewana na kufurahiana sana kwa kila mmoja tena.”
Aunty Linda alihema kwa huzuni. "Nyinyi wawili mlipatana vizuri, lakini labda ni kwa sababu nyote wawili mlikuwa bado vijana, kwa hivyo ilikuwa rahisi hali ya kutoelewana kutokea. Nakumbuka Bi Jones na wewe mlipigana sana usiku mmoja. Nilikuwa pale chini na sikuthubutu kupanda juu, lakini nyinyi wawili mlisaini hati za talaka siku iliyofuata. Bi Jones alikuwa na huzuni sana. Oh, sana!”
Aunty Linda alitoa kijitabu mkononi kwa haraka. “Hiki ndicho kitabu cha mapishi ambacho Bi Jones alinipa siku alipoondoka.
Aliandika mwenyewe. kina vyakula unavyopenda vya kupikwa nyumbani. Alisema una tumbo mbaya na aliogopa kwamba ungebagua chakula baada ya kuondoka, kwa hiyo akaniambia nifuate mapishi haya ili ule.”
Huku moyo wake ukipiga, Alvin alichukua kijitabu hicho na kukifungua. Angeweza kutambua kwamba maneno hayo yaliandikwa muda mrefu uliopita, na ingawa kijitabu hicho kilikuwa cha zamani, bado alitambua mwandiko wake. Alikuwa ameona mwandiko wake walipokuwa wakiishi pamoja hapo awali. Alibaini kuwa wakati mmoja alikuwa na wasiwasi sana juu ya tumbo lake. Ilibainika kuwa Lisa alimjali sana!
Aunty Linda alisema, “Bi. Jones ni mtu mzuri sana. Nimekuwa yaya kwa miongo kadhaa, lakini sijawahi kukutana na mtu mwenye huruma kama yeye. Hakunichukulia kama yaya. Wakati fulani, nilipokuwa nikifanya kazi, alinishauri nipumzike na nisiwe na shughuli nyingi. Nikiwa naye, ningeweza kusema ukweli, na asingenilaumu. Kabla ya Lisa kuishi katika jumba hilo, haukuwahi kurudi nyumbani mapema. Ungetoka asubuhi na kurudi wakati wa kulala. Baada ya Lisa kuhamia, ungeenda naye kazini kila siku na kurudi kwa wakati baada ya kazi hasa kwa sababu ulitaka kumngoja arudi. Alipokuwa na shughuli nyingi za kazi, hata ulilalamika kwamba anajali zaidi kazi yake kuliko wewe.”
Alvin alipigwa na bumbuwazi. Alifanya hivyo kweli? Kweli alirudi kutoka kazini kwa wakati kwa sababu yake? "Anti Linda, unasema ukweli?"
“Kwa nini niseme uwongo kuhusu hili? Ni muda mrefu sijakufanyia kazi, lakini nakumbuka kila kitu.” Aunty Linda alisema kwa uwazi.....ITAENDELEA...
Unafikiri nini kitafuata hapo, maana simulizi inazidi kuwa tamu kila siku lakini sina budi kuhitimisha kipande hiki ila niwasihi tukutane katika episode zijazo ili kujua nini kitafuata kwenye mkasa huu wa kusisimua na kuelimisha unaokwenda kwa jina la LISA..
