AUTHOR...........................JOMBA WAJO
SPONSORED BY......SIMULIZI ZA DULLY
WHATSAPP...........................0628924768
SEHEMU YA................................479-480
Sura ya: 479
Lisa alionekana kushangaa. Hakuwahi kufikiria kwamba Alvin Kimaro, mtu wa juu na mwenye nguvu angependekeza fidia kama hiyo. Machoni mwake, Logan alikuwa ni mlinzi tu. Kwa tabia ya awali ya Alvin, hakukuwa na jinsi angeweza kutumia vidole vyake mwenyewe kufidia.
Alvin alipoona ameacha kuongea, dokezo la dhamira likaangaza kwenye macho yake membamba yenye giza. “Kadiri unavyoweza kunisamehe, niko tayari kumfidia kwa kidole changu mwenyewe. Anaweza hata kukikata yeye mwenyewe.”
Alinyoosha mkono wake na kumtazama kwa macho ya moto. Ilikuwa ni kidole tu. Baada ya hivyo, bado angeweza kumkumbatia na kumbusu. Maumivu ya kupoteza kidole bila shaka hayangekuwa makubwa kama maumivu ya kumchukia na kumkwepa.
Lisa alitazama vidole vyake. Alijua hapo awali kwamba vidole vyake vilikuwa vyembamba na safi, lakini hajawahi kuona vidole vya mtu vikionekana vizuri kama vyake.
"Hakuna haja." Lisa aligeuka na kusema kwa unyonge, “Kuna faida gani ya kukata kidole chako? Logan hawezi kukibandika kwenye mkono wake hata hivyo.”
Uso mzuri wa Alvin ulidhihirisha tabasamu, na hata macho yake yalikuwa yameng'aa kama mwanga wa nyota. “Lisa, ni kwa sababu unanihisi vibaya? Huwezi kuvumilia nikate kidole changu.”
“Unawaza kupita kiasi.” Lisa alikataa mara moja. “Ni kwa sababu sitaki kukusamehe, na sitaki kurudiana na wewe. Alvin Kimaro, bado hujanielewa? Kuwa na wewe ni shida sana, na sijawahi kuwa na siku ya amani. Mbali na hilo, unaweza hata kuumiza watoto wako mwenyewe. Siwezi kurudiana tena na mwanaume kama wewe." Alipomaliza tu, aliinuka.
Uso mzuri wa Alvin ulipauka, na bila fahamu akamshika mkono wake. "Unaenda wapi?"
"Ni wazi, ikiwa hutaondoka, basi nitaondoka nikuachie ofisi," Lisa alisema kwa utulivu.
Koo la Alvin likahama kwa maumivu, na mkono wake juu yake ukakaza kidogo. Alipomtazama kwa nusu sekunde, unyonge machoni pake ikabadilishwa na dimbwi la giza. “Lisa, huelewi? Kwa kuwa ulinipata katika maisha haya, usifikirie hata kuniacha.”
"Alvin Kimaro, unaota." Lisa alitazama kwa macho yaliyojaa hasira.
Hata hivyo, Alvin alitabasamu tu. Ilikuwa sawa ikiwa alimchukia au kama alikuwa na hasira naye. Alimradi angeweza kuiona sura yake kuanzia wakati huo tena, angeridhika. Kuhusu wengine, haikujalisha. Kwa kadri ambavyo angekuwa akionana naye, angeweza kumlainisha hatimaye. Lakini, ikiwa angemwachilia sasa, hawangekuwa na uhusiano wowote kati yao.
“Lisa, hukupaswa kurudi kwangu kulipiza kisasi.” Alvin alimkazia macho. “Kama ningeoana na Sarah, hakuna kitu ambacho kingetokea kwako. Lakini uliamua tu kunifanya nikupende sana. Sema, unafikiri ningemwacha mwanamke niliyempenda sana?”
“Kwanini? Utanitishia nini muda huu?” Lisa alidhihaki. "Samahani kusema hivi, lakini ugonjwa wa baba yangu umepona, na Ngosha Corporation haina uhusiano nami tena. Je, unataka kushughulika na Mawenzi tena? Endelea. Nina pesa nyingi hata hivyo, kwa hivyo ni sawa ikiwa nitaiuza tu Mawenzi Investments. Pesa ni mali tu ya ulimwengu.”
Alvin alishindwa cha kusema. Ndiyo, hakuna kitu ambacho angeweza kumtishia tena. Angeweza kufanya nini kingine?
“Lisa, usinilazimishe. Katika maisha haya, unaweza tu kuwa wangu.” Alimtazama kwa muda na kuyaacha maneno yale aliyodhamiria, na kugeuka kuondoka.
Vile vile, hali nzuri ya Lisa iliharibiwa kwa siku hiyo. Kwa tabia ya Alvin, alikuwa na uhakika kwamba asingekata tamaa kirahisi. Lakini, hakujua angefanya nini wakati huo.
•••
Saa kumi na moja jioni.
Kelvin aliendesha gari kwenda kumchukua. Alipoingia ndani ya gari, macho yake yalimtoka kwa wasiwasi. "Kelvin, unapaswa kuja kuniona mara chache kwa sasa. Alvin alikuja kwenye kampuni leo. Nahofia hata anaweza kushughulika na wewe kunitishia tena iwapo atajua kuhusu uhusiano wetu.”
“Amekuwa hivyo siku zote. Ni mjinga sana huyu jamaa.” Kelvin alicheka kwa hasira.
“Ndio. ” Lisa alihema kwa sauti ndogo. "Lakini ana nguvu zaidi kuliko alivyokuwa hapo awali. Hakuna kitu kizuri kitakachotokea ikiwa tutapambana naye kwa nguvu."
Kelvin alimtazama sana machoni mwake. Alitaka kumfariji kwamba KIM International ingeanguka hivi karibuni, lakini kwa bahati mbaya, asingemwelewa sasa. “Lisa, kwanini tusi… tusisajili ndoa yetu. Tukishafunga ndoa kihalali, na Alvin hataweza kufanya lolote.”
“Tufunge ndoa?” Lisa alishtuka sana.
Alikuwa amekubali tu pendekezo lake la kuoana, lakini alitaka wafunge ndoa mapema hivyo? Alipigwa butwaa kwa muda.
“Ndiyo. Je, ni ghafla sana? Nilikutisha?” Kelvin alisema kwa aibu, “Lisa, sina chaguo pia. Sitaki kukupoteza tena. Usijali, ndoa na harusi zitafanyika kwa wakati mmoja. Wacha tufanye harusi yetu huko Dar es Salaam ili tumzuie Alvin. Sitaki kuwa kama Alvin. Ingawa uliolewa naye, hukupata hata harusi ya heshima.”
"Asante." Lisa alihisi utulivu aliposikia maneno yake, na wasiwasi ndani yake ukaondoka. Katika hali ya wakati huo, ilionekana hakuna haja ya kusita tena. Mbali na hilo, Kelvin alikuwa amemngoja kwa muda mrefu sana. Hakutakiwa kumfanya asubiri tena.
“Sawa. nitakubali.” Aliitikia kwa kichwa baada ya muda.
“Basi vizuri. Mara moja nitawaambia watu walioko Dar es Salaam wajiandae. Harusi haitakuwa kubwa ili kuepusha umakini wa watu sana, lakini hakika nitahakikisha kuwa ni nzuri. Wazazi wetu wote wa pande mbili watakuwepo. Sawa, wacha Suzie na Lucas wawe flower girl na page boy wetu,” Kelvin alisema kwa furaha.
“Sawa.” Lisa aliitikia kwa kusitasita. "Lakini ikiwa wazazi wako watagundua kuwa nina watoto wawili ..."
“Wanajua tayari, lakini hakuna wanachoweza kufanya kwa sababu nakupenda sana. Niliwaambia kuwa sitaoa mtu yeyote isipokuwa wewe. Vinginevyo, ningependelea kuacha familia na kuwa mtawa. Hawawezi kufanya lolote kuhusu hilo.”
Kelvin alilitazama tumbo lake na kusema, “Mbali na hilo, kwa vile ulikuwa na mapacha hapo awali, labda utapata wengine wakati ujao. Kisha, familia itakuwa hai.”
Lisa aliona haya kwa aibu. “Usiseme hivyo. Inanifanya nipate shinikizo kidogo…”
“Natania tu. Maadamu ni watoto wako, nitawapenda.” Kelvin akainama na kumbusu paji la uso wake.
Lisa alifumba macho na kujisemea, 'Na iwe hivyo.' Hivi karibuni, angeolewa tena. Katika ndoa hii, alitaka kuzeeka na Kelvin.
Sura ya: 480
Katika mgahawa, familia za Shangwe na Masanja zilikula pamoja.
Mzee Shangwe alikuwepo. Kando yake alikaa Jason na mkewe, pamoja na Carson na Jessica. Mhusika mkuu pekee, Rodney, ndiye aliyekuwa hayupo.
Kujieleza kwa Mheshimiwa Masanja kulikuwa kwa hasira na kutojiamini. Ingawa familia ya Shangwe ilikuwa kubwa zaidi kuliko familia ya Masanja katika biashara na mamlaka, kutokuwepo kwa Rodney kulikuwa ni dharau sana kwa Pamela.
"Mzee Shangwe, kwa kuona kwamba Rodney hajitokezi, kunanitia wasiwasi sana. Pengine hana nia ya kumuoa binti yetu. Hakuna kitu cha kulazimishwa kitakachokuwa kizuri..."
"Labda amekwama kwenye trafiki." Mzee Shangwe alimtazama Jessica.
Jessica alichukua simu yake na kutoka nje kupiga simu. “Nitakupa dakika kumi. Ikiwa hutafika hapa kwa wakati, usijisumbue hata kidogo.
"Jessica Shangwe, usiwe mkali sana. Nimekwama kwenye foleni.” Sauti ya hasira ya Rodney ilisikika.
"Unajua vizuri ikiwa umekwama kwenye trafiki au unacheza kwa makusudi." Jessica alisema kwa upole, “Unataka nifanye maamuzi magumu kwa Osher? Kama pia unataka pia kuwapa familia ya Masanja na mimi wakati mgumu, usitegemee maisha yako yatakuwa rahisi. Nadhani huelewi hali yako.” Hapo akakata simu.
Baada ya kurudi chumbani, hakuna aliyeuliza ni muda gani Rodney angekuja. Hata hivyo, dakika kumi baadaye, Rodney alikimbilia chumbani humo huku akihema. Uso wake mzuri ulikuwa umetulia kwa sababu alikimbia kilomita tatu kwa dakika chache, na hakuweza kutamka neno kwa muda mrefu.
Jason alitabasamu na kusema, “Mzee Masanja, unaweza kuwa na uhakika sasa. Rodney wetu ni mwaminifu sana. Tazama, alitumia nguvu zake zote kukimbia kuja huku.”
Bwana Masanja alimtazama Rodney lakini hakumfikiria sana. Rodney alikuwa amevaa suruali ya jeans ya kimodo na shati ya maua. Alionekana mtanashati, lakini kwanini apendelee mavazi ya kihuni?
Kabla ya hili, Patrick alikuwa mzuri pia, lakini tabia yake haikuwa nzuri. Kwanini binti yake alikutana na wanaume kama hao kila wakati? Kwa bahati nzuri, Pamela hakukusudia kuolewa naye.
"Rodney, hawa ni wazazi wa Pamela." Jason alianzisha mazungumzo rasmi. “Fanya haraka uwasalimie.”
“Anko, Aunty, Shikamooni”
Rodney alisalimia kwa utii na alikuwa karibu kuketi. Carson alivuta kiti moja kwa moja. "Kaka, nenda ukaketi na shemeji."
Shemeji…?! Pembe za mdomo wa Rodney zilitetemeka, na Pamela pia hakujisikia vizuri.
“Niite tu Pamela. Tunapaswa kuwa karibu na umri sawa."
“Hilo halitapendeza. Familia ya Shangwe inatilia maanani sana heshima katika familia. Hata kama wewe ni mdogo kwangu, lazima nikuite shemeji.” Carson alitabasamu. “Shemeji tuongezane WhatsApp.”
Pamela alidhani Carson alikuwa mkarimu zaidi kuliko Rodney.
Baada ya kutoa simu yake na kumuongeza Carson, Wendy, mama wa Rodney, pia alisema, “Pamela, niongeze na mimi pia. Kwa njia hii, tunaweza kuwasiliana kila wakati. Wazazi wako wako Dar, kwa hivyo unaweza kufikiria tu familia ya Shangwe kama familia yako kuanzia sasa na kuendelea unapokuwa hapa Nairobi.”
“Sawa.” Kwa hayo, Pamela aliongeza WhatsApp ya wanafamilia wote wa Shangwe kabla ya Wendy kutoa kisanduku cha zawadi na kukabidhi.
“Kwa kuwa ni uchumba, lazima kuwe na zawadi ya uchumba. Hii ni kwa ajili yako.”
Pamela aliifungua na kuona kuna mikufu, vidani, hereni na pete za madini mbalimbali ya thamani kama dhahabu, alamsi na tanzanite na rubby. Mtindo ulikuwa wa kisasa sana na wa asili, na mikufu ilikuwa angavu na safi kama maji.
Rodney alishtuka. Mama yake alikuwa ametumia makumi ya mamilioni ya pesa kununua hivyo vitu katika mnada miaka michache iliyopita. Alidai kuwa ilikuwa ya mke wake wa baadaye, lakini hakutarajia angempa Pamela sasa.
"Mama…"
"Nyamaza." Wendy alimpa mwanga wa onyo.
Pamela alipigwa na butwaa kidogo. Hakujua chochote kuhusu vito vya thamani hata kidogo.
Hata hivyo, Bi Masanja aliweza kusema. “Hiyo ni ghali sana. Nadhani lazima iwe na thamani ya makumi ya mamilioni ya pesa."
“Kuna zaidi. Nimeahidi hapo awali mradi Pamela yuko tayari kuolewa na familia ya Shangwe, ninaweza kumpa asilimia 10 ya hisa za Shangwe Corporation. Mzee Shangwe alisema kwa sauti nzito, “Ichukue. Hakuna njia ambayo familia ya Shangwe itamtendea vibaya Pamela.”
Familia ya Masanja ilipigwa na butwaa. Bwana Masanja alishangaa zaidi. Familia ya Shangwe ilikuwa kweli familia nzuri, lakini ilikuwa ni huruma kwamba hakumpenda Rodney.
Baada ya chakula, Mzee Shangwe alisema, “Rodney, wapeleke wakwe zako kwenye uwanja wa ndege. Wanarudi Dar es Salaam usiku wa leo.”
“Sawa,” Rodney alijibu.
Alipoenda kuchukua gari, Bw. Masanja alilalamika, “Isipokuwa kwa tabia mbovu ya Rodney, familia nyingine ya Shangwe ni nzuri sana. Hawana kiburi ambacho familia kubwa na tajiri huwa nacho."
“Uko sahihi kabisa baba.” Pamela alikubali kwa kichwa.
Hata hivyo, Bibi Masanja alimhurumia. "Kwa kweli, Carson ni mzuri sana. Kwanini hukuchumbiwa naye badala yake?”
Punde, Rodney aliendesha gari. Kwake ilikuwa ni vigumu kuzungumza na Bw. na Bi. Masanja, lakini njiani, Pamela alikuwa akidekezwa sana na wazazi wake. Ilikuwa wazi kuwa familia ya Masanja ilimpenda Pamela sana. Hali ya familia ya Masanja ilionekana kuwa nzuri, tofauti na baadhi ya familia ndogo za wenyeji ambao walijaribu kujipendekeza kwake mara tu waliposikia kwamba alikuwa kutoka kwa familia ya Shangwe.
Baada tu ya Bwana na Bibi Masanja kuingia kwenye ndege, Pamela na Rodney waliondoka.
Rodney alisema moja kwa moja, “Sina chaguo ila kukubaliana na ndoa hii kwa sasa, lakini usifikirie sana kuihusu. Sitawahi kukupenda, na sitawahi kuwajibika kwako. Kwa hiyo, nirudishie sanduku la zawadi ambalo mama yangu alikupa."
Pamela alipigwa na butwaa. Alijua kwamba Rodney hakuwa na akili kabisa, lakini hakutegemea angekosa na busara pia hadi akataka kumpokonya zawadi ambayo hakumpa yeye.
“Fanya haraka unipe.” Rodney aliaibishwa na macho yake, lakini hakuwa na chaguo. Hakuweza kumuumiza Sarah. "Nitampa Sarah."
Pamela alisema, “Ikiwa mama yako atajua, atakufa kwa hasira"
“Hutaki kurudisha?” Rodney alimkazia macho. "Pamela Masanja, kisanduku hiki cha vito ni ghali kama mimi. Sio kitu ambacho unaweza kumudu kubaki nacho. ”
“Ndiyo ... ni ghali kabisa." Pamela akakitoa na kukipungia kwa makusudi mbele yake. "Lakini wewe? Sahau. Ingawa wewe ni sehemu ya familia ya Shangwe, huna hadhi yoyote, na huna haki yoyote ya kurithi. Kuhusu Osher, kama singekupa fomula, ingekuwa imeshuka katika miaka miwili ijayo.”
“Wewe…” Uso wa Rodney ulikunjamana kwa hasira. Alikuwa mtu mzuri sana, lakini alizungumza kana kwamba hana thamani.
“Kama mwanaume, huoni aibu kuishi hivi?" Pamela kisha akatoa simu yake ili kupiga simu.
Rodney hakujua anachofanya mpaka alipomsikia Pamela akiita kwa utamu neno ‘Aunty’. Hapo ndipo alipogundua kuwa mwanamke huyu alikuwa amempigia simu mama yake.
"Pamela Masanja, nipe simu." Rodney alinyoosha mkono kuinyakua.
"Rodney Shangwe, unathubutu kunipiga?" Pamela alifoka huku akikwepa. “Sawa, Aunty. Rodney alisema anataka kifurushi cha zawadi uliyonipa. Alisema kwamba si kitu ninachoweza kustahili, na anataka kumpa Sarah.”
“Mama, sikufanya hivyo. Usimsikilize… ” Rodney alikuwa na wasiwasi sana hivi kwamba alimkumbatia Pamela akijaribu kunyakua simu yake na kujieleza, ndipo akagundua kuwa alipiga nambari isiyo sahihi.
Pamela aliangua kicheko. “Si ulikuwa na kiburi mapema? Je! hukutaka kumpa Sara?”
"Pamela Masanja, unanidanganya." Rodney alipandwa na hasira. Alitaka kumfundisha somo, lakini ghafla akagundua kuwa alikuwa akimkumbatia kwa nguvu. Akamsukuma.
“Mmmh… Nahitaji kwenda kuoga. Ninaogopa kuwa mgonjwa kwa kumkumbatia mtu kama wewe.” Pamela alitoka nje ya uwanja wa ndege akiwa na uso uliochukizwa.
"Wewe ndiye mgonjwa." Rodney alifoka.
“Oh, ulikuwa hujui?” Pamela alimtazama tena kwa sura ngumu.
“Baada ya Lisa kulala na Alvin mara ya mwisho, ilimbidi kukimbilia hospitali kufanyiwa uchunguzi. Aliogopa kupata ugonjwa kwa sababu Alvin alikuwa kwenye uhusiano na Sarah, ambaye alilala na yule Hisan Gadaffi… Unahitaji niongee kuhusu Hisan? Alitumia madawa ya kulevya na alipenda kulala na kila aina ya wanawake. Nani alijua kama alipata ugonjwa? Kwanini tena ulifikiri Alvin alikataa kumgusa Sarah? Yeye pia ana wasiwasi wake mwenyewe."....ITAENDELE....
Unafikiri nini kitafuata hapo, maana simulizi inazidi kuwa tamu kila siku lakini sina budi kuhitimisha kipande hiki ila niwasihi tukutane katika episode zijazo ili kujua nini kitafuata kwenye mkasa huu wa kusisimua na kuelimisha unaokwenda kwa jina la LISA..
